വെനസ്വേലയില് വ്യാപകനാശം വിതച്ച് വന് ഭൂകമ്പം. ആയിരങ്ങള് മരിച്ചതായി റിപ്പോര്ട്ട്. നിരവധി കെട്ടിടങ്ങള് തകര്ന്നു. ഒരുമിനിറ്റിനുള്ളില് 7.5, 7.1 തീവ്രതയുള്ള ഭൂചലനമാണ് ഉണ്ടായത്. തലസ്ഥാനമായ കാരക്കാസിന് പടിഞ്ഞാറാണ് ശക്തമായ ഭൂചലനം ഉണ്ടായത്..ലോകകപ്പില് സ്കോട്ട്ലന്റിനെ തകര്ത്ത് ബ്രസീല് നോക്കൗട്ടില്. എതിരില്ലാത്ത മൂന്ന് ഗോളിന് തകര്ത്ത് ഗ്രൂപ്പ് ചാംപ്യന്മാരായാണ് ബ്രസീലിന്റെ മുന്നേറ്റം. വിനീഷ്യസ് ജൂനിയര് ഡബിള് അടിച്ചപ്പോള് മൂന്നാം ഗോള് മത്തേയൂസ് കൂഞ്ഞയുടെ വകയായിരുന്നു..ലോകകപ്പില് ഹെയ്തിയെ മടക്കി മൊറോക്കോ നോക്കൗട്ടില്. രണ്ടിനെതിരെ നാലു ഗോളുകള്ക്ക് ഹെയ്തിയെ വീഴ്ത്തിയെങ്കിലും ഗ്രൂപ്പ് സിയില്നിന്ന് രണ്ടാം സ്ഥാനക്കാരായാണ് മൊറോക്കോ നോക്കൗട്ടില് കടന്നത്.10ാം മിനിറ്റില് ഗോള്കീപ്പര് യാസിന് ബൗനോയുടെ സെല്ഫ് ഗോളാണ് ഹെയ്തിക്ക് ലീഡ് സമ്മാനിക്കുന്നത്. പിന്നീട് മുന്നേറ്റങ്ങള് തുടര്ന്ന ഹെയ്തി മൊറോക്കോയെ വിറപ്പിച്ചു..അമ്മ വിവാദത്തിന് പിന്നാലെ നടി ലക്ഷ്മി പ്രിയക്കെതിരെ വീണ്ടും രൂക്ഷവിമര്ശനവുമായി നടി ഉഷ ഹസീന. വിയോജിക്കുന്നവരെയെല്ലാം കണ്ടപാടെ 'ജിഹാദി' എന്ന് വിളിച്ച് മുദ്രകുത്താന് താങ്കള്ക്ക് കിട്ടിയ ആ ലൈസന്സ് എവിടുന്നാണെന്ന് അത്ഭുതം തോന്നുന്നു. വായ തുറന്നാല് വര്ഗീയ വിഷം മാത്രം തുപ്പുന്ന താങ്കള് മറ്റുള്ളവര്ക്ക് നന്മയും മര്യാദയും പഠിപ്പിക്കാന് നടക്കുന്നത് ശരിക്കും ഒരു കോമഡി ഷോ പോലെയാണെന്ന് ഉഷ ഫെയ്സ്ബുക്കില് കുറിച്ചു.മുഖ്യമന്ത്രി വിഡി സതീശന് ക്ലിഫ് ഹൗസിലേക്ക് താമസം മാറി. ഇന്ന് രാവിലെയാണ് വിഡി സതീശന് കുടുംബസമേതം ക്ലിഫ് ഹൗസിലേക്ക് മാറിയത്. ചടങ്ങുകളില്ലാതെയായിരുന്നു ഗൃഹപ്രവേശം. പാലുകാച്ചല് ചടങ്ങ് മാത്രമാണ് ഉണ്ടായത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates