Top 5 News Today 
Kerala

പാലക്കാട് ഡിവിഷന്‍ വിഭജനത്തിൽ കേന്ദ്രമന്ത്രി റിപ്പോർട്ട് തേടി, ഒഡീഷ തീരത്ത് 24 ജീവനക്കാരുള്ള ചരക്കുകപ്പൽ മുങ്ങി, ലങ്കയ്ക്കെതിരെ ഇന്ത്യ രണ്ടാം അങ്കത്തിന്; ഇന്നത്തെ 5 പ്രധാന വാർത്തകൾ

സ്‌കൂളിലെ ഓണാഘോഷത്തില്‍ സാരിക്കും മുണ്ടിനും വിലക്ക്; വിവാദത്തിനു പിന്നാലെ നിലപാടു മാറ്റി മാനേജ്‌മെന്റ്

Author : സമകാലിക മലയാളം ഡെസ്ക്
Edited By : Jayakumar

പാലക്കാട് ഡിവിഷന്‍ വിഭജനത്തിൽ കേന്ദ്ര റെയിൽവേ മന്ത്രി അടിയന്തര റിപ്പോർട്ട് തേടി, ഒഡീഷ തീരത്ത് 24 ജീവനക്കാരുള്ള ചരക്കുകപ്പൽ മുങ്ങി. ഇന്ത്യ - ശ്രീലങ്ക രണ്ടാം ക്രിക്കറ്റ് ടെസ്റ്റിന് ഇന്ന് തുടക്കം. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

Add as a preferred source on Google

അടിയന്തര റിപ്പോർട്ട് തേടി 

പാലക്കാട് ഡിവിഷന്‍ വിഭജനത്തിൽ പ്രതിഷേധം ശക്തം

പാലക്കാട് റെയില്‍വേ ഡിവിഷന്‍ വെട്ടിമുറിക്കാനുള്ള തീരുമാനത്തില്‍ കേന്ദ്ര റെയില്‍വേമന്ത്രി അശ്വിനി വൈഷ്ണവ് അടിയന്തര റിപ്പോര്‍ട്ട് തേടി. പാലക്കാട് റെയില്‍വേ ഡിവിഷന്‍ വിഭജിക്കാനുള്ള കേന്ദ്രസര്‍ക്കാര്‍ തീരുമാനത്തില്‍ പ്രതിഷേധിച്ച് യുഡിഎഫ് ഉപവാസ സമരത്തിന്. യുഡിഎഫ് എംപിമാര്‍ 26 ന് തിരുവോണനാളില്‍ രാവിലെ 9 മുതല്‍ വൈകീട്ട് 6 വരെ പാലക്കാട് ഡിവിഷന്‍ ഓഫീസിന് മുന്നില്‍ സത്യഗ്രഹ സമരം നടത്തും.

ചരക്കുകപ്പല്‍ മുങ്ങി, രക്ഷാപ്രവര്‍ത്തനം

ചരക്കുകപ്പല്‍ മുങ്ങി

ഒഡീഷ തീരത്തിന് സമീപം ബംഗാള്‍ ഉള്‍ക്കടലില്‍ പാനമ പതാക വഹിക്കുന്ന ചരക്കുകപ്പല്‍ മുങ്ങി. ഒഡീഷയിലെ പാരദീപ് തുറമുഖത്തുനിന്ന് സിംഗപ്പൂരിലേക്ക് ഇരുമ്പയിര് കയറ്റി പുറപ്പെട്ട എംവി ഓഷ്യന്‍-വിന്നര്‍ എന്ന കപ്പലാണ് അപകടത്തില്‍പ്പെട്ടത്. കപ്പലില്‍ 24 ജീവനക്കാരാണ് ഉണ്ടായിരുന്നത്. ഇന്ത്യന്‍ കോസ്റ്റ് ഗാര്‍ഡും ഇന്ത്യന്‍ നാവികസേനയും രക്ഷാപ്രവര്‍ത്തനം തുടരുകയാണ്.

ചക്രവാതച്ചുഴി, യെല്ലോ അലര്‍ട്ട്

ശക്തമായ മഴയ്ക്ക് സാധ്യത (kerala rain )

സംസ്ഥാനത്ത് ഇന്ന് ഒറ്റപ്പെട്ട ശക്തമായ മഴയ്ക്ക് സാധ്യത. വടക്കന്‍ കേരളത്തിലാണ് മഴ കനക്കുക. കാസര്‍കോട്, കണ്ണൂര്‍, വയനാട്, കോഴിക്കോട് ജില്ലകളിലാണ് യെല്ലോ അലര്‍ട്ട് പുറപ്പെടുവിച്ചിട്ടുള്ളത്. ബം​ഗാൾ ഉൾക്കടലിൽ രൂപപ്പെട്ട ചക്രവാതച്ചുഴിയാണ് സംസ്ഥാനത്ത് മഴ വീണ്ടും സജീവമാകാൻ കാരണമായത്. ബംഗാൾ ഉൾക്കടലിൽ വീണ്ടും ന്യൂന മർദ്ദ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.

ലക്ഷ്യം പരമ്പര തൂത്തുവാരല്‍

ഇന്ത്യന്‍ ക്യാപ്റ്റന്‍ ശുഭ്മന്‍ ഗില്‍ പരിശീലനത്തിനിടെ

ശ്രീലങ്കയ്ക്കെതിരായ രണ്ടാം ടെസ്റ്റില്‍ വിജയം നേടി 2-0ന് പരമ്പര തൂത്തുവാരാനും, ഒപ്പം ഐസിസി ലോക ടെസ്റ്റ് ചാമ്പ്യന്‍ഷിപ്പില്‍ നില മെച്ചപ്പെടുത്താനും ഇന്ത്യ ഇറങ്ങുന്നു. മൂന്ന് വര്‍ഷത്തിന് ശേഷം വിദേശ മണ്ണില്‍ ഒരു ടെസ്റ്റ് പരമ്പര വിജയം സ്വന്തമാക്കുക എന്ന ലക്ഷ്യത്തോടെയാണ് ശുഭ്മന്‍ ഗില്ലും സംഘവും സിംഹളീസ് സ്‌പോര്‍ട്‌സ് ക്ലബ് ഗ്രൗണ്ടില്‍ രാവിലെ 10ന് ആരംഭിക്കുന്ന മത്സരത്തിന് ഇറങ്ങുന്നത്.

പ്രതീക്ഷകൾ സഫലമാകും

Daily Horoscope

പരീക്ഷാഫലത്തിനായി കാത്തിരിക്കുന്നവർക്ക് പ്രതീക്ഷ നൽകുന്ന വാർത്ത ലഭിക്കും. പുതിയ അ വസരങ്ങൾ തേടിയെത്തും. വരുമാനം മെച്ചപ്പെടും. യാത്രയ്ക്ക് അനുകൂലമായ സാഹചര്യം ഉണ്ടാകും. മകളുടെ കാര്യത്തിൽ സന്തോഷകരമായ വാർത്ത കേൾക്കാം. ദൂരയാത്ര ആലോചിക്കുന്നവർക്ക് നല്ല ദിവസം. പഠനത്തിൽ ശ്രദ്ധ കേന്ദ്രീകരിക്കും. പരീക്ഷാഫലം അനുകൂലമാകും.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Also Read

ഒഡീഷ തീരത്ത് ചരക്കുകപ്പല്‍ മുങ്ങി, കപ്പലില്‍ 24 ജീവനക്കാര്‍, രക്ഷാപ്രവര്‍ത്തനം തുടരുന്നു

പൊലീസ് സ്റ്റേഷനില്‍ ഇഡി ആക്രമണക്കേസ് പ്രതികളുടെ ഓണാഘോഷം; അന്വേഷണം തുടങ്ങി സ്‌പെഷല്‍ ബ്രാഞ്ച്

പാലക്കാട് ഡിവിഷന്‍ വിഭജനം: കേന്ദ്ര റെയില്‍വേമന്ത്രി അടിയന്തര റിപ്പോര്‍ട്ട് തേടി; തിരുവോണ നാളില്‍ യുഡിഎഫ് എംപിമാരുടെ ഉപവാസസമരം

സ്‌കൂളിലെ ഓണാഘോഷത്തില്‍ സാരിക്കും മുണ്ടിനും വിലക്ക്; വിവാദത്തിനു പിന്നാലെ നിലപാടു മാറ്റി മാനേജ്‌മെന്റ്

ലക്ഷ്യം പരമ്പര തൂത്തുവാരല്‍; ലങ്കക്കെതിരെ രണ്ടാം അങ്കത്തിന് ഇന്ത്യ ഇന്ന് ഇറങ്ങുന്നു