അദാനി മാനേജ്‌മെന്റിനെ നേരിട്ട് അതൃപ്തി അറിയിച്ച് മുഖ്യമന്ത്രി, എന്ത് ഡീലാണ് നടന്നത്?; ഇന്നത്തെ അഞ്ചു പ്രധാന വാർത്തകൾ

വിഴിഞ്ഞം അന്താരാഷ്ട്ര തുറമുഖത്തിന്റെ ഓഹരി പങ്കാളിത്തം കൈമാറാനുള്ള അദാനി ഗ്രൂപ്പിന്റെ ഏകപക്ഷീയമായ നീക്കത്തിൽ കടുത്ത അതൃപ്തിയുമായി സംസ്ഥാന സർക്കാർ

Author : സമകാലിക മലയാളം ഡെസ്ക്

Edited By : Dhanoj AM

Updated:2nd Jul, 2026 at 9:34 PM

വിഴിഞ്ഞം അന്താരാഷ്ട്ര തുറമുഖത്തിന്റെ ഓഹരി പങ്കാളിത്തം കൈമാറാനുള്ള അദാനി ഗ്രൂപ്പിന്റെ ഏകപക്ഷീയമായ നീക്കത്തിൽ കടുത്ത അതൃപ്തിയുമായി സംസ്ഥാന സർക്കാർ. സംസ്ഥാന സർക്കാരിനെ മുൻകൂട്ടി അറിയിക്കുകയോ യാതൊരുവിധ കൂടിയാലോചനകൾ നടത്തുകയോ ചെയ്യാതെയാണ് അദാനി വിഴിഞ്ഞം പോർട്ട് പ്രൈവറ്റ് ലിമിറ്റഡിൽ 49 ശതമാനം ഓഹരി പങ്കാളിത്തത്തോടെ ആഗോള ഭീമന്മാരായ മെഡിറ്ററേനിയൻ ഷിപ്പിംഗ് കമ്പനി നിക്ഷേപം നടത്തുമെന്ന പ്രഖ്യാപനമുണ്ടായത്. ഈ വിഷയത്തിലുള്ള സംസ്ഥാനത്തിന്റെ കടുത്ത വിയോജിപ്പും അതൃപ്തിയും മുഖ്യമന്ത്രി വിഡി സതീശൻ അദാനി പോർട്‌സ് ആൻഡ് സ്‌പെഷ്യൽ ഇക്കണോമിക് സോൺ ലിമിറ്റഡ് മാനേജ്‌മെന്റിനെ നേരിട്ട് അറിയിച്ചു. ഇതടക്കം അഞ്ചു പ്രധാന വാർത്തകൾ ചുവടെ:

Add as a preferred source on Google

വിഴിഞ്ഞം അന്താരാഷ്ട്ര തുറമുഖത്തിന്റെ ഓഹരി കൈമാറ്റ നീക്കം; അദാനി മാനേജ്‌മെന്റിനെ നേരിട്ട് അതൃപ്തി അറിയിച്ച് മുഖ്യമന്ത്രി

Keralam CM VD Satheesan

'ഓഹരി കൈമാറ്റം അദാനി സര്‍ക്കാരിനെ 'അറിയിച്ചു'; ഇത് രഹസ്യമാക്കിവച്ചത് എന്തിന്?, എന്ത് ഡീലാണ് നടന്നത്?'

വിഴിഞ്ഞം തുറമുഖത്തിന്റെ രണ്ടാം ഘട്ടത്തിന്റെ ഉദ്ഘാടനം പിണറായി വിജയന്‍ ഉദ്ഘാടനം ചെയ്യുന്നു

വിഴിഞ്ഞം തുറമുഖത്തിന്റെ ഉടമസ്ഥാവകാശത്തില്‍ വലിയ മാറ്റം വരുത്തുന്ന അദാനി ഗ്രൂപ്പിന്റെ നീക്കത്തിന് പിന്നില്‍ എന്ത് ഡീലാണ് നടന്നത് എന്ന് സംസ്ഥാന സര്‍ക്കാര്‍ വ്യക്തമാക്കണമെന്ന് പ്രതിപക്ഷ നേതാവ് പിണറായി വിജയന്‍. വിദേശ ബഹുരാഷ്ട്ര കമ്പനിയായ എംഎസ്‌സിക്ക് ഓഹരികള്‍ വില്‍ക്കുന്നത് സംബന്ധിച്ച് അദാനി പോര്‍ട്ട് അധികൃതര്‍ അനൗദ്യോഗികമായി സര്‍ക്കാരിനെ അറിയിച്ചു എന്നാണ് പറയുന്നത്. സര്‍ക്കാരിന്റെ അനുമതി ഇതിനോടകം തന്നെ ലഭ്യമായ രീതിയിലാണ് അവര്‍ നടപടികളുമായി മുന്നോട്ടുപോകുന്നതെന്നും പിണറായി വിജയന്‍ ഫെയ്‌സ്ബുക്കില്‍ കുറിച്ചു.

'നോ ഐഡി നോ എന്‍ട്രി', മദ്യം വാങ്ങാനുള്ള 23 വയസ് പ്രായപരിധി കര്‍ശനമാക്കുന്നു; രേഖ ഹാജരാക്കണം

alcohol

സംസ്ഥാനത്ത് മദ്യം വാങ്ങാനുള്ള പ്രായപരിധി നിയന്ത്രണം കര്‍ശനമാക്കുന്നു. മദ്യം വാങ്ങാന്‍ 23 വയസ് എന്ന നിബന്ധന കര്‍ശനമാക്കാനാണ് തീരുമാനം. ഫയല്‍ മുഖ്യമന്ത്രിയുടെ പരിഗണനയിലാണ്.

'അന്നു വിഎസ് സെക്രട്ടേറിയറ്റില്‍ ഓഫിസ് ചോദിച്ചിട്ടും കൊടുത്തില്ല, ഏകാന്ത തടവുകാരനെപ്പോലെയാക്കി ജനങ്ങളില്‍നിന്ന് മാറ്റിനിര്‍ത്തി'; സി ദിവാകരന്‍ അഭിമുഖം

സി ദിവാകരന്‍ അഭിമുഖം

വിഎസ് അച്യുതാനന്ദന്‍ രണ്ടാമതും മുഖ്യമന്ത്രിയാവാതിരിക്കാന്‍ 2011ല്‍ രണ്ടു സീറ്റില്‍ ഇടതു സ്ഥാനാര്‍ഥികളെ തോല്‍പ്പിക്കുകയായിരുന്നെന്ന് മുതിര്‍ന്ന സിപിഐ നേതാവും മുന്‍ മന്ത്രിയുമായ സി ദിവാകരന്‍. പിന്നീട് ഇടതു മുന്നണി അധികാരത്തില്‍ വന്നപ്പോള്‍ ആളുകള്‍ ഒന്നും പറയാതിരിക്കാന്‍ ഭരണപരിഷ്‌കാര അധ്യക്ഷ പദവി നല്‍കുകയായിരുന്നെന്നും അതൊരു റീഹാബിലിറ്റേഷന്‍ ആയിരുന്നെന്നും സി ദിവാകരന്‍ പറഞ്ഞു. അന്ന് സെക്രട്ടേറിയറ്റില്‍ ഓഫിസ് നല്‍കണമെന്ന് വിഎസ് ചോദിച്ചെങ്കിലും കൊടുത്തില്ലെന്ന് സമകാലിക മലയാളം വാരികയുമായുള്ള അഭിമുഖത്തില്‍ ദിവാകരന്‍ പറഞ്ഞു.

ആയത്തുല്ല ഖമേനിയുടെ സംസ്‌കാരച്ചടങ്ങില്‍ മകന്‍ പങ്കെടുത്തേക്കില്ല; മൊജ്തബ മാറിനില്‍ക്കാന്‍ കാരണമെന്ത്?

ആയത്തുല്ല ഖമേനി, മൊജ്തബ ഖമേനി

അന്തരിച്ച ഇറാന്‍ പരമോന്നത നേതാവ് ആയത്തുല്ല അലി ഖമേനിയുടെ മകന്‍ മൊജ്തബ ഖമേനി, പിതാവിന്റെ സംസ്‌കാരച്ചടങ്ങില്‍ പങ്കെടുക്കില്ലെന്ന് റിപ്പോര്‍ട്ട്. സുരക്ഷാ കാരണങ്ങളാലാണ് തീരുമാനമെന്ന് ഇറാന്‍ പരമോന്നത നേതാവിന്റെ പ്രതിനിധിയെ ഉദ്ധരിച്ച് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു. മൊജ്തബ ഖമേനിക്ക് സുരക്ഷാ ഭീഷണികള്‍ നിലനില്‍ക്കുന്ന സാഹചര്യത്തില്‍ പൊതുപരിപാടികളില്‍ പങ്കെടുക്കുന്നതിന് കടുത്ത നിയന്ത്രണങ്ങള്‍ ഏര്‍പ്പെടുത്തിയതായി റിപ്പോര്‍ട്ടുകളില്‍ പറയുന്നു.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates

'ഓഹരി കൈമാറ്റം അദാനി സര്‍ക്കാരിനെ 'അറിയിച്ചു'; ഇത് രഹസ്യമാക്കിവച്ചത് എന്തിന്?, എന്ത് ഡീലാണ് നടന്നത്?'

'നോ ഐഡി നോ എന്‍ട്രി', മദ്യം വാങ്ങാനുള്ള 23 വയസ് പ്രായപരിധി കര്‍ശനമാക്കുന്നു; രേഖ ഹാജരാക്കണം

ആയത്തുല്ല ഖമേനിയുടെ സംസ്‌കാരച്ചടങ്ങില്‍ മകന്‍ പങ്കെടുത്തേക്കില്ല; മൊജ്തബ മാറിനില്‍ക്കാന്‍ കാരണമെന്ത്?

Also Read

'അദാനി സൂപ്പര്‍ ഗവണ്‍മെന്റ് ആണോ?, കേരളം ബിജെപി ഭരിക്കുന്ന സംസ്ഥാനമാണോ?; കുറുക്കുവഴി നടക്കില്ല'

തളിപ്പറമ്പില്‍ കിണറ്റില്‍ ചാടിയ യുവതി മരിച്ചു; രക്ഷിക്കാന്‍ ചാടിയ അമ്മയ്ക്ക് ഗുരുതര പരിക്ക്

'ഓഹരി കൈമാറ്റം അദാനി സര്‍ക്കാരിനെ 'അറിയിച്ചു'; ഇത് രഹസ്യമാക്കിവച്ചത് എന്തിന്?, എന്ത് ഡീലാണ് നടന്നത്?'

ആയത്തുല്ല ഖമേനിയുടെ സംസ്‌കാരച്ചടങ്ങില്‍ മകന്‍ പങ്കെടുത്തേക്കില്ല; മൊജ്തബ മാറിനില്‍ക്കാന്‍ കാരണമെന്ത്?