ഇടുക്കി: വണ്ടിപ്പെരിയാര് പോക്സോ കേസില് കുറ്റവിമുക്തനാക്കപ്പെട്ട അര്ജുന്റെ കുടുംബത്തിന് പൊലീസ് സംരക്ഷണം നല്കാന് ഹൈക്കോടതി ഉത്തരവ്. വണ്ടിപ്പെരിയാര് പൊലീസിനും ജില്ലാ പൊലീസ് മേധാവിക്കുമാണ് കോടതി നിര്ദേശം നല്കിയിരിക്കുന്നത്. അര്ജുന്റെ കുടുംബമാണ് ഹൈക്കോടതിയെ സമീപിച്ചത്. അര്ജുനെതിരെ പ്രതിഷേധം ശക്തമായ സാഹചര്യത്തില് വീട്ടില് പോകാന് സാധിക്കുന്നില്ലെന്ന് കുടുംബം നല്കിയ ഹര്ജിയില് പറയുന്നു.
വണ്ടിപ്പെരിയാര് പോക്സോ കേസില് സര്ക്കാര് നല്കുന്ന അപ്പീലില് പെണ്കുട്ടിയുടെ കുടുംബത്തിനേയും കക്ഷി ചേര്ക്കും. അര്ജുനെ വെറുതെ വിട്ട കട്ടപ്പന കോടതിയുടെ വിധി റദ്ദ് ചെയ്യണണമെന്നും പട്ടികജാതി പട്ടിക വര്ഗ്ഗ പീഡന നിരോധന നിയമത്തിലെ വകുപ്പുകള് ചുമത്തണമെന്നും ആവശ്യപ്പെട്ട് സ്വകാര്യ ഹര്ജി നല്കാനാണ് തീരുമാനം.
ഡയറക്ടര് ജനറല് ഓഫ് പ്രോസിക്യൂഷനുമായി കുടുംബാംഗങ്ങള് കൂടികാഴ്ച നടത്താനാണ് തീരുമാനിച്ചിരിക്കുന്നത്. വണ്ടിപ്പെരിയാരിലെ ആറു വയസ്സുകാരിയുടെ കൊലപാതകത്തില് പ്രതി ചേര്ക്കപ്പെട്ട അര്ജ്ജുനെ കട്ടപ്പന അതിവേഗ പ്രത്യേക കോടതി വെറുതേ വിട്ടതിനെതിരെയാണ് അപ്പീല് നല്കുക.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates