തിരുവനന്തപുരം: ഡിജിപിയുടെ വ്യാജ വാട്സാപ്പ് ഉപയോഗിച്ച് കൊല്ലം സ്വദേശിനിയില്നിന്ന് പണം തട്ടിയ കേസില് അന്വേഷണം ഡല്ഹിയിലേക്ക് വ്യാപിപ്പിച്ചു. ഡല്ഹിയിലെ ലക്ഷ്മി നഗര്, ഉത്തംനഗര് എന്നീ ഭാഗങ്ങള് കേന്ദ്രീകരിച്ചാണ് അന്വേഷണം.
ഓണ്ലൈന് ലോട്ടറിയടിച്ചെന്ന് വിശ്വസിപ്പിച്ചാണ് അധ്യാപികയില്നിന്ന് 14 ലക്ഷം രൂപ തട്ടിയെടുത്തത്. നികുതിയടച്ചില്ലെങ്കില് നിയമനടപടി നേരിടേണ്ടി വരുമെന്ന് സംസ്ഥാന പൊലീസ് മേധാവിയുടെ വ്യാജ വാട്സാപ്പില്നിന്ന് അധ്യാപികയ്ക്ക് സന്ദേശം വന്നിരുന്നു. ഇതേ തുടര്ന്നാണ് ഇവര് പണം നല്കിയത്.
പ്രതികള് വാട്സാപ്പ് സന്ദേശമയച്ച മൊബൈല് നമ്പര് കേന്ദ്രീകരിച്ച് നടത്തിയ അന്വേഷണത്തിലാണ് ഇവര് ഡല്ഹിയിലുണ്ടെന്ന സൂചന ലഭിച്ചത്. മൊബൈല് ടവര്, കോള് രജിസ്റ്റര് എന്നിവയെ പിന്തുടര്ന്നാണ് സൈബര് പൊലീസ് ഡിവൈഎസ്പി ശ്യാംലാലിന്റെ നേതൃത്വത്തില് അന്വേഷണം നടക്കുന്നത്. സിഐ പി ബി വിനോദ്കുമാര്, എസ്ഐ കെ ബിജുലാല്, എഎസ്ഐമാരായ എന് സുനില്കുമാര്, കെ ഷിബു, സിപിഒമാരായ വി യു വിജീഷ്, എസ് സോനുരാജ് എന്നിവരാണ് ഡല്ഹിയില് അന്വേഷണത്തിന് എത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates