ആലപ്പുഴ: വീട്ടിലെത്തിയ അപ്രതീക്ഷിത അതിഥിയെ കണ്ട് വീട്ടുകാർ പേടിച്ചരണ്ടു. പള്ളിപ്പുറം പഞ്ചായത്ത് മൂന്നാം വാർഡ് ചക്കനാട്ട് വെളിയിൽ രഘുവിന്റെ വീട്ടിലേക്കാണ് കൂറ്റൻ മലമ്പാമ്പ് എത്തിയത്. വീട്ടിലെ വരാന്തയിലാണ് മലമ്പാമ്പിനെ കണ്ടത്.

മലമ്പാമ്പിനെ കണ്ടതോടെ പരിഭ്രാന്തരായ വീട്ടുകാർ ബഹളം വെച്ചു. ബഹളം കേട്ട് ഓടിയെത്തിയ നാട്ടുകാര്‍ മലമ്പാമ്പിനെ പിടികൂടുകയായിരുന്നു. പിന്നീട് മലമ്പാമ്പിനെ വനം വകുപ്പിന് കൈമാറി.