കൊച്ചി: ബത്തേരിയില്‍ ക്ലാസ് മുറിയില്‍ വച്ച് പാമ്പുകടിയേറ്റു മരിച്ച ഷഹലയ്ക്കു കിട്ടാത്ത എന്തു കരുണയാണ് വിദ്യാഭ്യാസത്തിലൂടെ നമ്മള്‍ ആര്‍ജിക്കുന്നതെന്ന് നടനും സംവിധായകനുമായ നാദിര്‍ഷാ. പാമ്പുകടിയേറ്റ ആ കുഞ്ഞിനെ ബാപ്പ വരുന്നതുവരെ കാത്തിരുത്തിയ ഒരു മണിക്കൂറിനു കണക്കു പറഞ്ഞേ അതിന് ഉത്തരവാദികള്‍ ഈ ഭൂമി വിട്ടുപോവൂവെന്ന് നാദിര്‍ഷ  ഫെയ്‌സ്ബുക്കില്‍ കുറിച്ചു.

നാദിര്‍ഷയുടെ കുറിപ്പ്: 

അവള്‍ക്ക് കിട്ടാത്ത എന്ത് കരുണയാണ് നമ്മള്‍ വിദ്യാഭ്യാസത്തിലൂടെ ആര്‍ജ്ജിക്കുന്നത്. സ്വന്തം മക്കളുടെ കാലില്‍ ഒരു മുള്ളു കൊണ്ടാല്‍ ഇവര്‍ സഹിക്കുമോ??

ഒരുപാട് സങ്കടം....

സോഷ്യല്‍ മീഡിയയില്‍ പുതിയ വാര്‍ത്തകളും കേസുകളും വരും... വരുന്നവയൊക്കെ പെട്ടെന്ന് അപ്രത്യക്ഷ്യമാകുന്നത് പോലെ ഈ വാര്‍ത്തയും കുറച്ചു കഴിയുമ്പോള്‍ അപ്രക്ത്യഷ്യമാകും...മറക്കും. പക്ഷെ ആ കുഞ്ഞിനെ ബാപ്പ വരുന്നതുവരെ കാത്തിരുത്തിയ ആ മണിക്കൂര്‍ ഉണ്ടല്ലോ..? അതിന് കണക്ക് പറഞ്ഞേ നീയൊക്കെ ഈ ഭൂമി വിടൂ... ദേഷ്യം.......