തിരുവനന്തപുരം: മുഖ്യമന്ത്രിയുടെ അകമ്പടി വാഹനമിടിച്ച് യൂത്ത് കോണ്ഗ്രസ് പ്രവര്ത്തകന് പരുക്ക്. മുഖ്യമന്ത്രിക്ക് നേരെ കരിങ്കൊടി കാണിക്കുന്നതിനിടെയായിരുന്നു വാഹനം ഇടിച്ചത്. മന: പൂര്വ്വം ഇടിച്ചാതാണെന്ന് ആരോപണവുമായി യൂത്ത് കോണ്ഗ്രസ് പ്രവര്ത്തകര് രംഗത്തെത്തി. സെക്രട്ടറിയേറ്റിന് സമീപത്തുവെച്ചാണ് മുഖ്യമന്ത്രിയുടെ വാഹനം ഇടിച്ചത്
കെവിന്റെ ദുരൂഹമരണത്തില് പൊലീസ് അന്വേഷണം നടത്തിയില്ലെന്നാരോപിച്ചാണ് യൂത്ത് കോണ്ഗ്രസ് പ്രവര്ത്തകര് മുഖ്യമന്ത്രിയെ കരിങ്കൊടി കാണിച്ചത്്. സംഭവത്തില് പ്രതിഷേധിച്ച് കോണ്ഗ്രസ് പ്രവര്ത്തകര് ഗാന്ധിനഗര് പൊലീസ് സ്റ്റേഷനിലേക്ക് മാര്ച്ച് നടത്തിയിരുന്നു. നാളെ കോണ്ഗ്രസ് കോട്ടയത്ത് ഹര്ത്താലിന് ആഹ്വാനം ചെയ്തിട്ടുണ്ട്.
പ്രണയവിവാഹത്തിന് പിന്നാലെ നവവരന് ദുരൂഹ സാഹചര്യത്തില് മരിച്ച സംഭവത്തില് പൊലീസ് വീഴ്ചയ്ക്ക് മുഖ്യമന്ത്രിയുടെ യാത്രയുമായി യാതൊരു ബന്ധവുമില്ലെന്ന വിശദീകരണവുമായി മുഖ്യമന്ത്രി പിണറായി വിജയന് രംഗത്തെത്തി. മുഖ്യമന്ത്രിയ്ക്ക് സുരക്ഷ ഒരുക്കുന്നത് പ്രത്യേക ടീമാണ്. എസ്ഐയ്ക്ക് ഇതുമായി യാതൊരു ബന്ധവുമില്ലെന്നും പിണറായി വിജയന് മാധ്യമങ്ങളോട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates