പാലക്കാട് : കളിക്കുന്നതിനിടെ കുഞ്ഞ് കിണറ്റിലേക്കു വീണു. ഇതു കണ്ട മുത്തച്ഛനും കുട്ടിയെ രക്ഷിക്കാനായി കിണറ്റിലേക്ക് ചാടി. ഫയർഫോഴ്സും നാട്ടുകാരും ഇരുവരെയും പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. രണ്ടുപേരും മരിച്ചു.

ഞായറാഴ്ച രാവിലെ ഒൻപതരയോടെയാണു സംഭവം. ചെർപ്പുളശ്ശേരി മോളൂർ വാഴക്കാപറമ്പിൽ ഖാലിദ് (60), പേരക്കുട്ടി ജാബിർ (രണ്ട്) എന്നിവരാണ് മരിച്ചത്. കിണറിന്റെ ഗ്രില്ലിനു സമീപം നിന്ന് കളിക്കുകയായിരുന്നു ജാബിർ. ഇതിനിടെ വഴുതി കിണറ്റിൽ വീഴുകയായിരുന്നു.