കൽപ്പറ്റ:  മദ്യപിച്ച് റോഡരികിൽ വീണുകിടന്ന വില്ലേജ് ഓഫീസർക്കെതിരെ പൊലീസ് കേസെടുത്തു. വയനാട്, അഞ്ചുകുന്ന് വില്ലേജ് ഓഫീസർ എ വി ബാബുവിനെതിരെയാണ് കേസ്. ലോക്ക്ഡൗൺ ലംഘിച്ചതിനും മോട്ടോർവാഹന നിയമപ്രകാരവുമാണ് കേസെടുത്തിരിക്കുന്നത്. 

ഇന്നലെ വൈകുന്നേരം ആറുമണിയോടെയാണ് ബാബുവിനെ റോഡരികിലെ ചാലിൽ വീണനിലയിൽ നാട്ടുകാർ കണ്ടെത്തിയത്. ഇദ്ദേഹത്തിന്റെ കാറും സമീപത്തുണ്ടായിരുന്നു. നാട്ടുകാർ വിവരമറിയിച്ചതിനെത്തുടർന്ന് പൊലീസ് സ്ഥലത്തെത്തി ബാബുവിനെ കല്പറ്റ ജനറൽ ആശുപത്രിയിൽ പ്രവേശിപ്പിച്ചു. ഇയാൾ വ്യാജമദ്യം കഴിച്ചിരുന്നതായി പൊലീസ് പറഞ്ഞു.