തിരുവനന്തപുരം : ജെഡിഎസ് നേതാവ് കെ കൃഷ്ണന്‍കുട്ടി മന്ത്രിയായി സത്യപ്രതിജ്ഞ ചെയ്ത് അധികാരമേറ്റു. രാജ്ഭവന്‍ ഓഡിറ്റോറിയത്തില്‍ വൈകുന്നേരം അഞ്ചിന് ഗവര്‍ണര്‍ ജസ്റ്റിസ് പി സദാശിവം സത്യവാചകം ചൊല്ലിക്കൊടുത്തു. മുഖ്യമന്ത്രിയും മന്ത്രിമാരും എല്‍ഡിഎഫിലെ കക്ഷിനേതാക്കളും അടക്കമുളളവര്‍ ചടങ്ങില്‍ പങ്കെടുത്തു. യുഡിഎഫ് ചടങ്ങ് ബഹിഷ്‌കരിച്ചു. 

മാത്യു ടി തോമസ് രാജിവെച്ച ഒഴിവിലാണ് കെ കൃഷ്ണന്‍കുട്ടി മന്ത്രിയായത്. മാത്യു ടി തോമസ് കൈകാര്യം ചെയ്തിരുന്ന ജലവിഭവവകുപ്പ് തന്നെയാകും കൃഷ്ണന്‍ കുട്ടി കൈകാര്യം ചെയ്യുക. ചിറ്റൂരില്‍ നിന്നുള്ള എംഎല്‍എയാണ് കെ കൃഷ്ണന്‍കുട്ടി. ഇതാദ്യമായാണ് കൃഷ്ണന്‍കുട്ടി മന്ത്രിയാകുന്നത്.