തിരുവനന്തപുരം: ജനുവരി ഒന്നിന് കേരത്തില്‍ നടക്കുന്ന വനിതാ മതിലില്‍ എല്ലാ സ്ത്രീകളും പങ്കെടുക്കണമെന്ന് ചലച്ചിത്ര താരം സുഹാസിനി. ഈ ജനുവരി ഒന്ന് പുതിയ വര്‍ഷം മാത്രമല്ല, പുതിയ ആഘോഷം കൂടിയാണ്. കാസര്‍കോട് നിന്നും തിരുവനന്തപുരം വരെ നീളുന്ന വനിതാ മതിലിനെ കുറിച്ച് തനിക്ക് സന്തോഷമുണ്ടെന്നും അവര്‍ പറഞ്ഞു.

 കേരളമൊരു സാധാരണ സംസ്ഥാനമല്ല. ചെറിയ സംസ്ഥാനമാണെങ്കിലും മതേതരത്വം കൊണ്ട് കേരളം ഉള്‍ക്കൊള്ളുന്നത് ഇന്ത്യാ മഹാരാജ്യത്തെയാണ്. സ്ത്രീകള്‍ കൈ കോര്‍ത്ത് പിടിക്കുമ്പോള്‍ മറ്റൊന്നിനും അവരെ തടയാനാവില്ലെന്ന് തനിക്ക് ഉറപ്പുണ്ടെന്നും സുഹാസിനി പറഞ്ഞു. കേരളത്തെ ഭ്രാന്താലയമാക്കരുത് എന്ന മുദ്രാവാക്യത്തോടെ നടത്തുന്ന ഈ മതിലിന് തന്റെ പൂര്‍ണ പിന്തുണയുണ്ടെന്നും താരം വ്യക്തമാക്കി.