മലപ്പുറം: കൊടിഞ്ഞി ഫൈസല്‍ വധക്കേസ് പ്രതി റോഡരികില്‍ കൊല്ലപ്പെട്ട നിലയില്‍. ബിപിന്‍ ആണ് കൊലപ്പെട്ടത്. തിരൂരില്‍ റോഡരികില്‍ ബിപിനെ കൊല്ലപ്പെട്ട നിലയില്‍ കണ്ടെത്തുകയായിരുന്നു. വെട്ടേറ്റു മരിച്ച നിലയിലാണ് ബിപിനെ കണ്ടെത്തിയത്.

തിരൂരങ്ങാടി കൊടിഞ്ഞി പുല്ലാണി ഫൈസല്‍ (32) കൊല്ലപ്പെട്ട കേസിലെ പ്രതിയാണ് ബിപിന്‍. ഗള്‍ഫില്‍ ജോലി ചെയ്തിരുന്ന ഫൈസല്‍ ഇസ്ലാം മതം സ്വീകരിച്ചതിനു പിന്നാലെയാണ് വധിക്കപ്പെട്ടത്. കൊല്ലപ്പെടുന്നതിനു തൊട്ടുമുമ്പ് ഫൈസലിന്റെ ഭാര്യയും മൂന്ന് മക്കളും മതം മാറിയിരുന്നു. 

ഫൈസല്‍ വധവുമായി ബന്ധപ്പെട്ട് സഹോദരിയുടെ ഭര്‍ത്താവുള്‍പ്പടെ 8 പ്രതികളെയാണ് പൊലീസ് അറസ്റ്റ് ചെയ്തത്. അറസ്റ്റിലായവരെല്ലാം ബിജെപിയുടെ സജീവ പ്രവര്‍ത്തകരാണ്.