കൊല്ലം:  കൊട്ടാരക്കര ആയൂരില്‍ വാഹനാപകടത്തില്‍ അഞ്ച് മരണം. കെഎസ്ആര്‍ടിസി ബസ്സും കാറും കൂട്ടിയിടിച്ചാണ് അപകടം. കാറിലുണ്ടായവരാണ് മരിച്ചത്.  അപകടത്തില്‍ കാര്‍ പൂര്‍ണമായും തകര്‍ന്നു. 

കൊട്ടാരക്കരയില്‍ നിന്ന് തിരുവനന്തപുരത്തേക്ക് പോകുകയായിരുന്ന ബസ്സും എതിര്‍ ദിശയില്‍ നിന്നും വന്ന കാറുമായി കൂട്ടിയിടിക്കുകയായിരുന്നു. ഒരേ കുടുംബത്തില്‍പ്പെട്ട അഞ്ചുപേരാണ് മരിച്ചത്. കാറില്‍ ആറ് പേര്‍ ഉണ്ടായിരുന്നു. ഒരു കുട്ടി മാത്രമാണ് രക്ഷപ്പെട്ടത്. ഡ്രൈവര്‍ അരുണ്‍, സ്മിത, ഹര്‍ഷ, അഞ്ജന, മിനി എന്നിവരാണ് മരിച്ചത്. 

പൊലീസും ഫയര്‍ഫോഴ്‌സും എത്തി കാര്‍ വെട്ടിപ്പൊളിച്ചാണ് ഉള്ളിലുണ്ടായിരുന്നവരെ പുറത്തെടുത്തത്.