കൊച്ചി : ചോറ്റാനിക്കര ദേവീക്ഷേത്രത്തില്‍ നവരാത്രി മഹോല്‍സവത്തിന്റെ ഭാഗമായുള്ള വിദ്യാരംഭം ഇത്തവണ ഉണ്ടായിരിക്കില്ല. കോവിഡിന്റെ പശ്ചാത്തലത്തിലാണ് ഈ തീരുമാനമെന്ന് ദേവസ്വം അസിസ്റ്റന്റ് മാനേജര്‍ അറിയിച്ചു. കോവിഡ് മാനദണ്ഡങ്ങള്‍ പാലിച്ചുകൊണ്ട് ഈ മാസം 23 ന് വൈകീട്ട് പൂജവെയ്പ്പ് നടത്തുമെന്നും അദ്ദേഹം അറിയിച്ചു. 

ചോറൂണ്, ഭജനം, അന്നദാനം, എന്നീ വഴിപാടുകളും ഉണ്ടാകില്ല. അതേസമയം ഭക്തര്‍ക്ക് ഇനി മുതല്‍ ക്ഷേത്രത്തില്‍ വഴിപാടുകള്‍ ഓണ്‍ലൈനിലൂടെ ബുക്ക് ചെയ്യാം. ഓണ്‍ലൈന്‍ വഴിപാടിന്റെ ഉദ്ഘാടനം ചോറ്റാനിക്കര ദേവസ്വം ഓഫീസില്‍ കൊച്ചിന്‍ ദേവസ്വം ബോര്‍ഡ് പ്രസിഡന്റ് എ ബി മോഹനന്‍ നിര്‍വഹിച്ചു.