തിരുവനന്തപുരം : ലോക്സഭാ തെരഞ്ഞെടുപ്പില് തിരുവനന്തപുരം മണ്ഡലത്തിലേക്കുള്ള സിപിഐ സ്ഥാനാര്ത്ഥി പട്ടികയായി. മൂന്നംഗ സ്ഥാനാര്ത്ഥി പട്ടികയാണ് ജില്ലാ കമ്മിറ്റി സംസ്ഥാന നേതൃത്വത്തിന് നല്കിയത്. പാര്ട്ടി സംസ്ഥാന സെക്രട്ടറി കാനം രാജേന്ദ്രന്, പാര്ട്ടി ദേശീയ നിര്വാഹക സമിതി അംഗവും എംഎല്എയുമായ സി ദിവാകരന്, പാര്ട്ടി ജില്ലാ സെക്രട്ടറി ജി അനില് എന്നിവരുടെ പേരുകളാണ് പട്ടികയില് ഉള്ളത്.
രാഷ്ട്രീയ സ്ഥാനാര്ത്ഥി വേണമെന്ന തീരുമാനത്തിന്റെ അടിസ്ഥാനത്തിലാണ് ജില്ലാ കൗണ്സില് പാര്ട്ടിയിലെ മൂന്ന് പ്രമുഖരുടെ പേരുകള് പരിഗണിച്ചത്. ഞായര്, തിങ്കള് ദിവസങ്ങളില് ചേരുന്ന സംസ്ഥാന നേതൃയോഗം ഈ പേരുകള് ചര്ച്ച ചെയ്യും. ഇതില് കൂട്ടിചേര്ക്കലുകളോ ഒഴിവാക്കലോ സംസ്ഥാന നേതൃത്വം കൈക്കൊള്ളും. ആനിരാജ, ബിനോയ് വിശ്വം തുടങ്ങിയ പേരുകളും ഉയര്ന്നുവന്നേക്കാമെന്നും റിപ്പോര്ട്ടുകളുണ്ട്.
സ്ഥാനാര്ത്ഥികളായി ജില്ലാ കമ്മിറ്റികള് മാര്ച്ച് ഒന്നിന് പട്ടിക നല്കാനാണ് സംസ്ഥാന നേതൃത്വം നിര്ദേശം നല്കിയിരുന്നത്. ജില്ലാ കമ്മിറ്റികള് മൂന്നുപേര് അടങ്ങുന്ന പട്ടിക നല്കാനാണ് നിര്ദേശം. തിരുവനന്തപുരം, തൃശൂര്, പൊന്നാനി, വയനാട് എന്നീ മണ്ഡലങ്ങളിലാണ് സിപിഐ മല്സരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates