കൊച്ചി: പട്ടാമ്പി എംഎൽഎ മുഹമ്മദ് മുഹ്സിന്റെ വിവാഹം ഉത്തര്‍പ്രദേശില്‍ നടന്നു. അടുത്ത ബന്ധുക്കളും സുഹൃത്തുക്കളും മാത്രമാണ് നിക്കാഹ് ചടങ്ങുകളിൽ പങ്കെടുത്തത്. വിവാഹവാർത്ത എംഎൽഎ തന്റെ ഫേസ്ബുക്ക് ‌പേജിലൂടെ അറിയിച്ചു. 

‌
'നിക്കാഹ്: ജീവിതത്തിലെ സന്തോഷം നിറഞ്ഞ മറ്റൊരു മുഹൂർത്തം. ജീവിതപങ്കാളിക്ക് ഗവേഷണത്തിനായി ഈ മാസം യൂറോപ്പിലേക്ക് പോകേണ്ടതിനാൽ പലരെയും അറിയിക്കാൻ കഴിഞ്ഞിട്ടില്ല. 
ലളിതമായ ചടങ്ങുകളോടെ, യു പി യിലെ ബൽറാംപൂരിൽ സുഹൃത്തുക്കൾക്കും, ബന്ധുക്കൾക്കും ഒപ്പം' - എന്ന് കുറിച്ചാണ് വിവാഹചിത്രങ്ങൾ അദ്ദേഹം പങ്കുവച്ചത്. 

ഉത്തര്‍പ്രദേശ് സ്വദേശിനിയാണ് വധു. ജെഎന്‍യുവില്‍ ​ഗവേഷണവിദ്യാർത്ഥിയായിരുന്ന കാലഘട്ടത്തിലാണ് ഇരുവരും തമ്മിൽ പരിചയപ്പെട്ടതെന്നാണ് സൂചന.