കൊച്ചി: വിപുലമായ പരിപാടികളോടെ പരിസ്ഥിതിദിനം ആഘോഷിച്ച സര്‍ക്കാരിനോടും മുഖ്യമന്ത്രി പിണറായി വിജയനോടും അപേക്ഷയോടെ ഗായിക രശ്മി സതീഷ് പറയുന്നത് പെരിയാര്‍ വിഷയത്തില്‍ ഇടപെടണമെന്നാണ്. രാസമാലിന്യംകൊണ്ട് മലിനീകൃതമായ പെരിയാറിനെ സംരക്ഷിക്കാന്‍ എന്തെങ്കിലും ചെയ്യുമെന്ന പ്രതീക്ഷ ഈ സര്‍ക്കാരിലുണ്ടെന്ന് രശ്മി സതീഷ് പറയുന്നു.
ലക്ഷക്കണക്കിന് രോഗികളെ സൃഷ്ടിച്ച് അവരെ മരണത്തിലേക്ക് തള്ളിവിട്ടിട്ടുവേണോ 5000 പേരുടെ തൊഴില്‍ സംരക്ഷിക്കേണ്ടത്. രാസമാലിന്യത്താല്‍ മലിനീകരിക്കപ്പെട്ട നദി സംരക്ഷിക്കാന്‍ മുളനടല്‍ മഹോത്സവവുമായി മുന്നോട്ടുപോകുന്ന ട്രേഡ് യൂണിയന്‍ വ്യവസായങ്ങളെ തതകര്‍ക്കാനാണ് പെരിയാര്‍ പുഴ സംരക്ഷകരുടെ നീക്കമെന്ന് ആക്ഷേപിച്ചിരുന്നതും രശ്മി സതീഷ് ഓര്‍മ്മപ്പെടുത്തുന്നുണ്ട്.