തിരുവനന്തപുരം : ചലച്ചിത്ര നടി ജയഭാരതി മുഖ്യമന്ത്രിയുടെ ദുരിതാശ്വാസ നിധിയിലേക്ക് 10 ലക്ഷം രൂപ സംഭാവന നല്‍കി. പ്രളയക്കെടുതിയില്‍ തകര്‍ന്ന കേരളത്തിന്റെ പുനര്‍നിര്‍മ്മാണത്തിനായാണ് ജയഭാരതി പണം നല്‍കിയത്. 

പ്രളയക്കെടുതി നേരിടുന്നതിനായി ഗായകന്‍ യേശുദാസ് കഴിഞ്ഞ ദിവസം 10 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തിരുന്നു. നടന്മാരായ മോഹന്‍ലാല്‍ 25 ലക്ഷവും, മമ്മൂട്ടിയും ദുല്‍ഖര്‍ സല്‍മാനും ചേര്‍ന്ന് 25 ലക്ഷവും ദുരിതാശ്വാസ നിധിയിലേക്ക് സംഭാവന ചെയ്തിരുന്നു. 

തമിഴ്, തെലുങ്ക്, ഹിന്ദി സിനിമാ താരങ്ങളും കേരളത്തിലെ പ്രളയക്കെടുതി നേരിടുന്നതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്തിരുന്നു. ബാഹുബലി താരം പ്രഭാസ് ഒരു കോടി രൂപയാണ് സംഭാവന നല്‍കിയത്.