തിരുവനന്തപുരം: പ്ലസ്ടു പരീക്ഷയെഴുതിയവര്‍ക്ക് ഒരു ഒന്നൊന്നര സന്തോഷവാര്‍ത്ത. ഇത്തവണയും മാര്‍ക്കുകള്‍ വെറുതെ ലഭിക്കും. 15 മാര്‍ക്കുകള്‍ വരെയാണ് വെറുതെ ലഭിക്കുന്നത്. പ്രയാസമെന്ന് പരാതി ഉയര്‍ന്ന ചോദ്യങ്ങള്‍ക്കെല്ലാം മാര്‍ക്കുകള്‍ നല്‍കാനാണ് തീരുമാനം.
എക്കണോമിക്‌സ്, കമ്പ്യൂട്ടര്‍ സയന്‍സ് എന്നീ വിഷയങ്ങളുടെ പരീക്ഷ പ്രയാസമാണെന്ന് പരാതി ഉയര്‍ന്നിരുന്നു. അങ്ങനെയാണെങ്കില്‍ ഈ വിഷയത്തിലൊക്കെ ചെറിയൊരു മാര്‍ക്ക് നേടിയാല്‍ മതിയാവും. ബാക്കി പതിനഞ്ച് മാര്‍ക്കും ചേര്‍ത്ത് പാട്ടുംപാടി ജയിക്കാനാവും. കഴിഞ്ഞ സര്‍ക്കാരിന്റെ കാലത്ത് കഴിഞ്ഞ പ്ലസ്ടു പരീക്ഷാവേളയിലും ഇത്തരത്തിലൊരു 'ഓഫര്‍' വിദ്യാര്‍ത്ഥികള്‍ക്ക് ലഭിച്ചിരുന്നു.