കൊച്ചി: ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യുന്ന കാര്യം അന്വേഷണ സംഘത്തിന് തീരുമാനിക്കാമെന്ന് ഡി.ജി.പി ലോക്‌നാഥ് ബഹ്‌റ. ഇക്കാര്യത്തില്‍ നിയമ തടസങ്ങളൊന്നുമില്ല. അന്വേഷണ സംഘത്തിന് സ്വതന്ത്രമായി തന്നെ അറസ്റ്റ് വിഷയത്തില്‍ തീരുമാനമെടുക്കാം. മുന്‍കൂര്‍ ജാമ്യാപേക്ഷ നല്‍കിയത് അറസ്റ്റിന് തടസമല്ലെന്നും ഡി.ജി.പി വ്യക്തമാക്കി. 

ബിഷപ്പിനെ ചോദ്യം ചെയ്യുന്നത് ഇന്ന് വൈകീട്ടോടെ തന്നെ പൂര്‍ത്തിയാക്കാന്‍ ശ്രമിക്കുമെന്ന് കോട്ടയം എസ്.പി എസ് ഹരിശങ്കര്‍ വ്യക്തമാക്കി. മൂന്നാം ദിവസത്തേക്ക് നീട്ടുന്നത് ഒഴിവാക്കുമെന്നും മൊഴികളിലെ വൈരുധ്യങ്ങള്‍ കണ്ടെത്താനാണ് ശ്രമമെന്നും എസ്.പി കൂട്ടിച്ചേര്‍ത്തു.