കൊച്ചിയില്‍ ഷൂട്ടിങ് കഴിഞ്ഞ് മടങ്ങവെ നടി അതിക്രമത്തിന് ഇരയായതിന് ശേഷം മറ്റൊരു യുവ നടിയുടെ അക്കൗണ്ടിലേക്ക് വന്‍ തുക എത്തിയതായി പൊലീസ് കണ്ടെത്തി. നടി ആക്രമിക്കപ്പെട്ട സംഭവവുമായി ഇതിന് ബന്ധമുണ്ടോയെന്ന് പരിശോധിക്കുകയാണ് അന്വേഷണ സംഘം ഇപ്പോള്‍.

നടന്‍ ദിലീപിനൊപ്പം രണ്ട് സിനിമകളില്‍ ഈ നടി അഭിനയിച്ചിട്ടുണ്ട്. ഇരുവരും തമ്മില്‍ അടുത്ത സൗഹൃദമുണ്ടെന്നാണ് പൊലീസിന്റെ വിലയിരുത്തല്‍. അക്കൗണ്ടിലേക്ക് വലിയ തുക എത്തിയതിനെ സംബന്ധിച്ച് ഈ നടിയെ അന്വേഷണ സംഘം ചോദ്യം ചെയ്‌തേക്കുമെന്നാണ് സൂചന. 

കൊച്ചിയില്‍ നടി അതിക്രമത്തിന് ഇരയായതിന് ശേഷമാണ് ഈ നടിയുടെ അക്കൗണ്ടിലേക്ക് വന്‍ തുക നിക്ഷേപിക്കപ്പെട്ടത് എന്നതാണ് ഈ നടിക്ക് നേരെ പൊലീസ് അന്വേഷണം എത്തിച്ചത്.