തിരുവനന്തപുരം : മന്ത്രിമാര്‍ക്ക് വീണ്ടും മാര്‍ക്കിട്ട് മുഖ്യമന്ത്രി. എല്ലാ മന്ത്രിമാരോടും കഴിഞ്ഞ ഒരുവര്‍ഷത്തെ പ്രോഗ്രസ് റിപ്പോര്‍ട്ട് നല്‍കാന്‍ മുഖ്യമന്ത്രി ആവശ്യപ്പെട്ടു. ഇതുസംബന്ധിച്ച പ്രത്യേക ഫോറം മുഖ്യമന്ത്രിയുടെ ഓഫീസ് എല്ലാ വകുപ്പുകള്‍ക്കും നല്‍കി. അതത് വകുപ്പുകളിലെ പദ്ധതി നടപ്പാക്കിയതുമായി ബന്ധപ്പെട്ട പ്രവര്‍ത്തനങ്ങള്‍ രേഖപ്പെടുത്തി നല്‍കാനാണ് നിര്‍ദേശം. 

ഇടതു സര്‍ക്കാരിന്റെ രണ്ടാം വാര്‍ഷികത്തിന് മുന്നോടിയായാണ് മന്ത്രിമാരുടെ വകുപ്പുകളുടെ പ്രവര്‍ത്തനം മുഖ്യമന്ത്രി അവലോകനം ചെയ്യുന്നത്. പ്രകടനപത്രികയിലെ വാഗ്ദാനങ്ങള്‍ എത്രത്തോളം നടപ്പായെന്ന് വിലയിരുത്തുകയും മുഖ്യമന്ത്രിയുടെ ലക്ഷ്യത്തില്‍പ്പെടുന്നു.