കൊച്ചി: യുവതിയോട് ലൈംഗികച്ചുവയോട് സംസാരിച്ചുവെന്ന പേരില്‍ സംവിധായകന്‍ ജീന്‍പോള്‍ ലാലിനെതിരെ പൊലീസ് കേസ്. തന്നോട് അപമാര്യാതയയി പെരുമാറിയെന്ന് നടി കൊടുത്ത പരാതിയുടെ അടിസ്ഥാനത്തിലാണ് ജീന്‍ പോള്‍ ലാലിനെതിരെ കേസെടുത്തിരിക്കുന്നത്.

ലൈംഗികച്ചുവയോടെ സംസാരിച്ചുവെന്നും സിനിമയില്‍ അഭിനയിച്ചതിന് പ്രതിഫലം നല്‍കിയില്ല എന്നുമാണ് പരാതി. കൊച്ചി പനങ്ങാട് പൊലീസാണ് കേസെടുത്തിരിക്കുന്നത്. ജീന്‍പോള്‍ ഉള്‍പ്പെടെ നാലുപേര്‍ക്കെതിരെ കേസെടുത്തിട്ടുണ്ട്. നടന്‍ ശ്രീനാഥ് ഭാസി, അനൂപ്,അനിരുദ്ധ് എന്നിവരാണ് കേസിലെ മറ്റു പ്രതികള്‍. ഹണി ബി2 എന്ന സിനിമയുടെ ചിത്രീകരണത്തിനിടെ 2016ലാണ് കേസിനാസ്പദമായ സംഭവം നടന്നത്.സംവിധായകനും നടനുമായ ലാലിന്റെ മകനാണ് ജീന്‍പോള്‍ ലാല്‍.