തിരുവനന്തപുരം:  എല്‍ഡിഎഫ് യോഗത്തില്‍ വിഎസ് അച്യുതാനന്ദന്‍ പങ്കെടുക്കാതിരുന്നത് ശാരീരിക അവശതയെ തുടര്‍ന്നാണെന്നും. അതിന് മറ്റ് മാനങ്ങള്‍ നല്‍കേണ്ടതില്ലെന്നും എല്‍ഡിഎഫ് കണ്‍വീനര്‍ എ വിജയരാഘവന്‍. ശാരീരിക അവശതയെ തുടര്‍ന്ന് വിഎസ് ഏതാനും യോഗങ്ങളില്‍ പങ്കെടുക്കാറില്ല. അത് അദ്ദേഹം എല്‍ഡിഎഫിനെ അറിയിക്കാറുണ്ടെന്നും വിജയരാഘവന്‍ പറഞ്ഞു. 

കൊടുവള്ളി തെരഞ്ഞടുപ്പ് റദ്ദാക്കിയ ഹൈക്കോടതി വിധി രാഷ്ട്രീയമായി തിരിച്ചടിയല്ല. കോടതി വിധി അംഗീകരിക്കുന്നു. വിധിയെ നിയമപരമായി നേരിടുമെന്ന് അദ്ദേഹം പറഞ്ഞു. വര്‍ഗ്ഗീയ പ്രചരണം നടത്തിയതിനാണ് കെഎം ഷാജിയുടെ തെരഞ്ഞടുപ്പ് റദ്ദാക്കിയത്. അതിനെ കൊടുവള്ളി വിധിയുമായി ബന്ധിപ്പിക്കേണ്ടതില്ലെന്ന് വിജയരാഘവന്‍ പറഞ്ഞു.

ആലപ്പാട്ട് ഖനനവുമായി ബന്ധപ്പെട്ട്  എല്‍ഡിഎഫില്‍ ഭിന്നതയില്ല. ശബരിമല വിഷയത്തില്‍ സര്‍ക്കാരിന്റെ സുവ്യക്തമായ നിലപാട് ജനങ്ങളെ അറിയിക്കുമെന്നും അദ്ദേഹം പറഞ്ഞു.