മലപ്പുറം: വെള്ളം കുടിക്കുന്നതിനിടെ ചുണ്ട് ജഗ്ഗില്‍ മുട്ടിയതിന്റെ പേരില്‍ ഭിന്നശേഷിക്കാരനായ യുവാവിന് മര്‍ദ്ദനമേറ്റു. ആലപ്പറമ്പ് കാമ്പ്രത്താണ് യുവാവിനെ ചായക്കടക്കാരന്‍ പട്ടികക്കഷ്ണം കൊണ്ട് അടിച്ചത്. 

ദാഹിച്ചെത്തിയ യുവാവ് ജഗ്ഗിലെ വെള്ളം കുടിച്ചുവെന്നും വായ മുട്ടിയത് കണ്ട കടക്കാരന്‍ മര്‍ദ്ദിക്കുകയായിരുന്നുവെന്നും ദൃക്‌സാക്ഷികള്‍ പൊലീസിനോട് പറഞ്ഞു. 

അടിയേറ്റ് യുവാവിന്റെ പുറത്ത് മുറിവുകളുണ്ടായിട്ടുണ്ട്. ഇയാളുടെ അമ്മ നല്‍കിയ പരാതിയില്‍ പൊലീസ് കേസെടുത്തു.