തിരുവനന്തപുരം: ചരക്ക് ലോറികള്‍ ഇന്ന് സംസ്ഥാന വ്യാപക പണിമുടക്ക് നടത്തുന്നു. അനീതികള്‍ക്കെതിരെയുള്ള പ്രതിഷേധ സമരമാണ് ഇന്ന് നടത്തുന്നത്. ആവശ്യങ്ങള്‍ അംഗീകരിച്ചില്ലെങ്കില്‍ സമരം ശക്തമാക്കുമെന്നും സ്റ്റേറ്റ് കോ- ഓര്‍ഡിനേഷന്‍ കമ്മിറ്റി അറിയിച്ചു. 

സംസ്ഥാനത്തെ  ലോറി ഉടമകളില്‍ നിന്നും തൊഴിലാളികളില്‍ നിന്നും അന്യായമായി അട്ടിമറിക്കൂലി, കെട്ടുകാശ്, ചായപ്പണം എന്നിവ പിരിച്ചെടുക്കുന്നുണ്ട്. ഇവ അവസാനിപ്പിക്കുകയെന്ന ലക്ഷ്യത്തോടെയാണ് ഇന്നത്തെ സമരം നടത്തുന്നത്. ഏഴോളം സംഘടനകള്‍ ഒന്നിച്ചാഹ്വാനം ചെയ്ത പണിമുടക്കില്‍ പതിനായിരത്തിലേറെ ചരക്ക് വാഹനങ്ങള്‍ പങ്കെടുക്കുന്നുണ്ടെന്ന് ഭാരവാഹികള്‍ വ്യക്തമാക്കി.