തിരുവനന്തപുരം: സിപിഎം സംഘടിപ്പിച്ച സമരത്തില്‍ പങ്കെടുത്ത തിരുവനന്തപുരം നഗരസഭ കൗണ്‍സിലര്‍ എസ് വിജയകുമാരിയെ ബിജെപി സസ്‌പെന്റ് ചെയ്തു. അന്വേഷണ വിധേയമായാണ് സസ്‌പെന്റ് ചെയ്തത്. 

കേന്ദ്ര സര്‍ക്കാര്‍ നയങ്ങള്‍ക്കെതിരായ സമരത്തിലാണ് പാല്‍ക്കുളങ്ങര വാര്‍ഡ് കൗണ്‍സിലറായ വിജയകുമാരി പങ്കെടുത്തത്. മോദി സര്‍ക്കാര്‍ നാടിനേയും ജനങ്ങളേയും വഞ്ചിച്ചതായി അവര്‍ പറഞ്ഞു.

തദ്ദേശ തെരഞ്ഞെടുപ്പില്‍ സിപിഎം അംഗത്തെ പരാജയപ്പെടുത്തിയാണ് ഇവര്‍ ആദ്യമായി പാല്‍ക്കുളങ്ങര വാര്‍ഡില്‍ വിജയിച്ചത്. അതേസമയം ബിജെപി ജില്ലാ നേതൃത്വവുമായി വിജയ കുമാരി കുറച്ച് കാലമായി ഇടഞ്ഞു നില്‍ക്കുകയാണെന്ന റിപ്പോര്‍ട്ടുകളുമുണ്ട്.