തിരുവനന്തപുരം: സിപിഐ മന്ത്രിമാരെ അവഹേളിച്ച് കോണ്ഗ്രസ് എംഎല്എ വി പി സജീന്ദ്രന്. സിപിഐയില് മന്ത്രിമാരാകാനുളള മാനദണ്ഡം അഞ്ചടിയില് താഴെ പൊക്കവും 90 ശതമാനവും കഷണ്ടിയും എന്നതാണ് വി പി സജീന്ദ്രന്റെ കണ്ടെത്തല്. കുന്നത്തുനാട്ടില് 15 ഏക്കര് നികത്തിയതുമായി ബന്ധപ്പെട്ട് കഴിഞ്ഞദിവസം നിയമസഭയില് അടിയന്തര പ്രമേയ നോട്ടീസ് നല്കി സംസാരിക്കുമ്പോഴായിരുന്നു എംഎല്എയുടെ ബോഡി ഷെയ്മിംഗ് കമന്റ്.
റവന്യൂ മന്ത്രിയുടെ ഓഫീസിന് മുകളില് മറ്റൊരു ഓഫീസ് ഉണ്ടെന്നും അത് മുഖ്യമന്ത്രിയുടെ ഓഫീസ് ആണെന്നും സജീന്ദ്രന് പറഞ്ഞു.ഇതിന് പിന്നാലെയായിരുന്നു സിപിഐ മന്ത്രിമാരെ അവഹേളിക്കുന്ന തരത്തില് എംഎല്എയുടെ പ്രസ്താവന.'സി പി ഐയില് മന്ത്രിമാരാകാനുള്ള മാനദണ്ഡം അഞ്ചടിയില് താഴെ പൊക്കം, 90% കഷണ്ടി' എന്നായിരുന്നു സജീന്ദ്രന്റെ കണ്ടെത്തല്.
സജീന്ദ്രന്റെ പരാമര്ശത്തിനെതിരെ പ്രതിഷേധം ഉയര്ന്നതോടെ സ്പീക്കര് പി ശ്രീരാമകൃഷ്ണന് സഭാരേഖയില് നിന്നും പരാമര്ശം നീക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates