മാവേലിക്കര: സ്‌കൂളില്‍ ക്രിക്കറ്റ് കളിക്കുന്നതിനിടെ അബദ്ധത്തില്‍ ബാറ്റുകൊണ്ട് അടിയേറ്റ് വിദ്യാര്‍ത്ഥി മരിച്ചു. മാവേലിക്കര ചാരുംമൂട് ചുനക്കര ഗവ. യു പി സ്‌കൂളിലെ ആറാംക്ലാസ് വിദ്യാര്‍ത്ഥി നവനീതാണ് മരിച്ചത്. കഴുത്തിന് അടിയേറ്റാണ് കുട്ടി മരിച്ചത്.

ഉച്ചഭക്ഷണ സമയത്താണ് അപകടം നടന്നത്. മൂന്നു വിദ്യാര്‍ത്ഥികള്‍ ക്രിക്കറ്റ് കളിച്ചതിനിടെ ഓടിയെത്തിയ നവനീതിന്റെ തലയ്ക്ക് പുറകുവശത്ത് അബദ്ധത്തില്‍ ബാറ്റിന് അടി കിട്ടുകയായിരുന്നു എന്ന് പൊലീസ് പറഞ്ഞു.എന്നാല്‍, പുറമേ ക്ഷതമില്ലെന്നു മരണം സ്ഥിരീകരിച്ച കായംകുളം ഗവ. ആശുപത്രിയിലെ ഡോക്ടര്‍ പറഞ്ഞു.