ടെൽ അവീവ്: രത്തൻ ടാറ്റയുടെ വിയോ​ഗത്തിൽ അനുശോചനം രേഖപ്പെടുത്തി ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. അദ്ദേഹത്തിന്റെ വേർപാടിൽ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദിക്ക് നെതന്യാഹു സന്ദേശമയച്ചു.

താനും ഇസ്രയേലിലെ പലരും ടാറ്റയുടെ വിയോ​ഗത്തിൽ ദുഃഖിക്കുന്നുവെന്ന് നെതന്യാഹു സന്ദേശത്തിൽ പറയുന്നു. രത്തന്‍ ടാറ്റയുടെ കുടുംബത്തെ തന്റെ അനുശോചനം അറിയിക്കണമെന്നും അദ്ദേഹം സന്ദേശത്തിൽ കുറിച്ചു.

"എൻ്റെ സുഹൃത്തായ പ്രധാനമന്ത്രി നരേന്ദ്ര മോദിയോട്, ഇന്ത്യയുടെ അഭിമാന പുത്രനും, നമ്മുടെ ഇരു രാജ്യങ്ങളും തമ്മിലുള്ള സൗഹൃദത്തിൻ്റെ ചാംപ്യനുമായ രത്തൻ നവൽ ടാറ്റയുടെ വിയോഗത്തിൽ ഞാനും ഇസ്രയേലിലെ പലരും ദുഃഖിതരാണ്. ദയവായി രത്തൻ്റെ കുടുംബത്തെ എൻ്റെ അനുശോചനം അറിയിക്കുക"- നെതന്യാഹു സന്ദേശത്തിൽ കുറിച്ചു.

കോഴിക്കോട് റെയിൽവേ സ്റ്റേഷനിൽ ട്രെയിനിൽ നിന്നും വീണ് യാത്രക്കാരൻ മരിച്ചു; ഒരാൾ കസ്റ്റഡിയിൽ

ഒക്ടോബർ ഒമ്പതിനായിരുന്നു മുംബൈയിലെ ബ്രീച്ച് കാൻഡി ആശുപത്രിയിൽ വെച്ച് രത്തൻ ടാറ്റ (86) അന്തരിച്ചത്. തുടർച്ചയായി 21 വർഷം ടാറ്റ ഗ്രൂപ്പിന്റെ ചെയർമാനായിരുന്നു അദ്ദേഹം. ഇന്ത്യയുടെ ഹൃദയത്തിലേക്ക് നടന്നു കയറിയ വ്യവസായി കൂടിയായിരുന്നു അദ്ദേഹം. പത്മഭൂഷൺ, പത്മവിഭൂഷൺ എന്നിവ നൽകി രാജ്യം അദ്ദേഹത്തെ ആദരിച്ചിരുന്നു.