കാബൂള്‍: താലിബാന്‍ വിരുദ്ധപ്രതിപക്ഷ കക്ഷികളുടെ നേതാവായ അംറുള്ള സലേയുടെ സഹോദരനെ താലിബാന്‍ സര്‍ക്കാര്‍ വധിച്ചു. റൂഫുള്ള അസീസിയെ
താലിബാന്‍ സൈന്യം വധിച്ചതായി അദ്ദേഹത്തിന്റെ കുടുംബമാണ് അറിയിച്ചത്.  മുന്‍ അഫ്ഗാന്‍ വൈസ് പ്രസിഡന്റാണ് അംറുള്ള സലേ.
 
താലിബാന്‍ സൈന്യം പഞ്ച്ഷീറിന്റെ പ്രവശ്യയുടെ നിയന്ത്രണം ഏറ്റെടുത്ത് ദിവസങ്ങള്‍ക്ക് പിന്നാലെയാണ് വധശിക്ഷ നടപ്പാക്കിയത്. റൂഫുള്ള അസീസിയെ താലിബാന്‍  സൈന്യം വെടിവച്ച് കൊല്ലുകയായിരുന്നെന്ന് ബന്ധുക്കള്‍ പറഞ്ഞു.  

കഴിഞ്ഞ ദിവസമാണ് അദ്ദേഹത്തെ വെടിവച്ച് കൊന്നത്. എന്നാല്‍ മൃതദേഹം മറവ് ചെയ്യാന്‍ താലിബാന്‍സൈന്യം അനുവദിച്ചില്ലെന്നും അവിടെ കിടന്നഴുകട്ടെയെന്നാണ് പറഞ്ഞതെന്നും ബന്ധുക്കള്‍ പറയുന്നു. പഞ്ച്ഷീര്‍ പ്രവശ്യ പിടിച്ചെടുക്കുന്നതിനിടെയുള്ള ഏറ്റുമുട്ടലിലാണ് റൂഫുള്ള അസീസി കൊല്ലപ്പട്ടെതെന്നാണ് താലിബാന്‍ വാര്‍ത്താ വിതരണ ഏജന്‍സി പറയുന്നത്.