ബെയ്ജിങ്: കാമുകിയെ പത്ത് മിനിറ്റ് നിർത്താതെ ചുംബിച്ച യുവാവിന് കേൾവിശക്തി നഷ്‌ടപ്പെട്ടതായി റിപ്പോർട്ട്. പ്രണയദിനത്തിൽ ചൈനയിലെ സെജിയാങ്ങിലെ വെസ്റ്റ് ലേക്കിൽ കാമുകിക്കൊപ്പം ഡേറ്റിങ്ങിന് പോയതായിരുന്നു യുവാവ്.

കാമുകിയെ ചുംബിക്കുന്നതിനിടെ യുവാവിന് കടുത്ത ചെവി വേദന അനുഭവപ്പെടുകയും ഇയാളെ ഉടൻ ആശുപത്രിയിൽ പ്രവേശിപ്പിക്കുകയുമായിരുന്നു. പരിശോധനയിൽ ചെവിക്കല്ലിൽ സുഷിരങ്ങളുള്ളതായി കണ്ടെത്തി.

ചുംബിക്കുന്നതിനിടെ ചെവിക്കുള്ളിൽ വായു മർദത്തിൽ ഉണ്ടായ മാറ്റമാണ് ഇതിന് കാരണമെന്ന് ഡോക്ടർമാർ അറിയിച്ചു. പങ്കാളിയുടെ ശ്വാസോച്ഛ്വാസത്തിലെ വ്യതിയാനവും കാരണമായി.

യുവാവിന് കേൾവി ശക്തി തിരിച്ചുകിട്ടാൻ രണ്ട് മാസമെടുക്കുമെന്നാണ് വിവരം. ഇത് ആദ്യമായല്ല ഇത്തരം സംഭവം ചൈനയിൽ റിപ്പോർട്ട് ചെയ്യുന്നത്. 2008ൽ ദക്ഷിണ ചൈനയിൽ നിന്നുള്ള ഒരു യുവതിക്ക് ചുംബനത്തിനിടെ കേൾവിശക്തി ഭാഗികമായി നഷ്ടപ്പെട്ടിരുന്നു.

ഈ വാർത്ത കൂടി വായിക്കൂ 

പെരുമ്പാമ്പിന്റെ വയറ്റിൽ കാണുന്ന വിര; വയോധികയുടെ തലച്ചോറിൽ നിന്നും ജീവനോടെ പുറത്തെടുത്തു; ലോകത്ത് ആദ്യം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ