ദു​ബൈ: ഡെ​ലി​വ​റി ജോലി ചെയ്യുന്ന ബൈ​ക്ക്​ റൈ​ഡ​ർ​മാ​ർ​ക്ക് വേണ്ടി 15 താ​ൽ​ക്കാ​ലി​ക എസി വി​ശ്ര​മ​കേ​ന്ദ്ര​ങ്ങ​ൾ ഒരുക്കി ​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി. പ്ര​ധാ​ന ബ​സ്, മെ​ട്രോ സ്റ്റേ​ഷ​നു​ക​ളി​ലാ​യാ​ണ്​ റൈ​ഡ​ർ​മാ​ർ​ക്ക് പ്രത്യേക സം​വി​ധാ​നം ഒ​രു​ക്കി​യ​ത്. റോ​ഡ്​ സു​ര​ക്ഷ വ​ർ​ധി​പ്പി​ക്കു​ക, തൊഴിലാളികളുടെ ജീ​വി​ത​ നി​ല​വാ​രം മെ​ച്ച​പ്പെ​ടു​ത്തു​ എ​ന്നി​വ ല​ക്ഷ്യ​മി​ട്ടാ​ണ്​ പ​ദ്ധ​തി​യെ​ന്ന്​ അ​ധി​കൃ​ത​ർ വ്യക്തമാക്കി.

ഉ​ച്ച​ വി​ശ്ര​മ നി​യ​മ​പ്ര​കാ​രം ഉ​ച്ചയ്ക്ക് 12.30 മു​ത​ൽ 3 വ​രെ തു​റ​ന്ന സ്ഥ​ല​ങ്ങ​ളി​ൽ ജോ​ലി ചെ​യ്യു​ന്ന​തി​ന്​ വി​ല​ക്കു​ണ്ട്. ഈ ​സ​മ​യ​ങ്ങ​ളി​ൽ ബൈ​ക്ക്​ ഡെ​ലി​വ​റി റൈ​ഡ​ർ​മാ​ർ​ക്ക്​ വി​ശ്ര​മി​ക്കാ​നു​ള്ള സ്ഥലങ്ങൾ കുറവാണ്. അത് പരിഗണിച്ചാണ് പ്രത്യേക സൗകര്യങ്ങൾ ഒരുക്കിയതെന്ന് അധികൃതർ അറിയിച്ചു. നേരത്തെ 40 കേ​ന്ദ്ര​ങ്ങ​ളി​ൽ ഡെ​ലി​വ​റി റൈ​ഡ​ർ​മാ​ർ​ക്കാ​യി സ്ഥി​രം വി​ശ്ര​മ ​കേ​ന്ദ്ര​ങ്ങ​ൾ ആ​ർ.​ടി.​എ ഒ​രു​ക്കി​യി​രു​ന്നു. കു​ടി​വെ​ള്ളം, മൊ​ബൈ​ൽ ഫോ​ൺ ചാ​ർ​ജി​ങ്​ സ്റ്റേ​ഷ​ൻ, ​ബൈ​ക്കു​ക​ൾ പാ​ർ​ക്ക്​ ചെ​യ്യാനുള്ള ​ സൗ​ക​ര്യം എ​ന്നി​വയും ഇവിടെ ഒരുക്കിയിട്ടുണ്ട്.

പു​തു​താ​യി ഏ​ർ​പ്പെ​ടു​ത്തി​യ താ​ൽ​ക്കാ​ലി​ക വി​ശ്ര​മ സ്ഥ​ല​ങ്ങ​ളി​ൽ ഉൾപ്പെടെ ​ യു.​എ.​ഇ ഫു​ഡ്​ ബാ​ങ്കും​ സ്വകാര്യ കമ്പനിയുമായി സഹകരിച്ചു 7500 ഡെ​ലി​വ​റി റൈ​ഡ​ർ​മാ​ർ​ക്ക് സൗജന്യമായി ഭ​ക്ഷ​ണം ന​ൽ​കു​ന്നു​ണ്ട്. സ​മൂ​ഹ​ത്തി​ന്​ ഡെ​ലി​വ​റി റൈ​ഡ​ർ​മാ​ർ​ ന​ൽ​കു​ന്ന സേ​വ​ന​ത്തി​ന്​ പകരമായി ദുബൈ നൽകുന്ന അംഗീകാരമായി ആണ് ഈ ഭക്ഷണ പൊതികൾ നൽകുന്നത്.

ഇ ​ആ​ൻ​ഡ്, അ​ൽ ഖു​സൈ​സ്, എ​മി​റേ​റ്റ്​​സ്​ ട​വ​ർ​സ്, ഇ​ൻ​ഷു​റ​ൻ​സ്​ മാ​ർ​ക്ക​റ്റ്, സെ​ന്റ​ർ പോ​യ​ന്‍റ്, അ​ൽ ഫു​ർ​ജാ​ൻ, ബി​സി​ന​സ്​ ബേ, ​ഡി.​എം.​സി.​സി, എ.​ഡി.​സി.​ബി, ബു​ർ​ജു​മാ​ൻ എ​ന്നീ മെ​ട്രോ സ്റ്റേ​ഷ​നു​ക​ളി​ലെ എ​ക്സി​റ്റു​ക​ളി​ലും ​ഗോ​ൾ​ഡ്​ സൂ​ഖ്, അ​ൽ സ​ത്​​വ, അ​ൽ ജാ​ഫി​ലി​യ, ഊ​ദ്​ മേ​ത്ത എ​ന്നി​വി​ട​ങ്ങ​ളി​ലെ ബ​സ്​ സ്റ്റേ​ഷ​നു​ക​ളി​ലുമാണ് താ​ൽ​ക്കാ​ലി​ക വി​ശ്ര​മ കേ​ന്ദ്ര​ങ്ങ​ൾ ഒ​രു​ക്കി​യി​ട്ടു​ള്ള​ത്.