ന്യൂയോര്‍ക്ക്:  അമേരിക്കയില്‍ തണുത്ത കാലാവസ്ഥയുമായുള്ള സമ്പര്‍ക്കം മൂലം ഉണ്ടായ അലര്‍ജിയെ തുടര്‍ന്ന് 34കാരന്‍ അത്യാസന്നനിലയില്‍. ചൂടുവെള്ളത്തിലുള്ള കുളി കഴിഞ്ഞ് പുറത്തിറങ്ങിയപ്പോള്‍ ബോധരഹിതനായി വീഴുകയായിരുന്നു. ശ്വാസമുട്ട് അനുഭവപ്പെട്ട 34കാരന്‍ കടുത്ത അലര്‍ജി മൂലം ഉണ്ടാകുന്ന രോഗമായ അനാഫൈലക്‌സിസ് ബാധിച്ച് തീവ്രപരിചരണ വിഭാഗത്തിലാണ്.

അമേരിക്കയിലെ കൊളറാഡോയിലാണ് സംഭവം. തണുത്ത കാലാവസ്ഥയുമായുള്ള സമ്പര്‍ക്കത്തെ മൂലം ഉണ്ടാകുന്ന അലര്‍ജിയെ തുടര്‍ന്ന് ശരീരത്തില്‍ ചുവന്ന തടിപ്പുകള്‍ പ്രത്യക്ഷപ്പെടുന്നതാണ് രോഗലക്ഷണം. തണുത്ത കാലാവസ്ഥയുമായുള്ള സമ്പര്‍ക്കത്തെ തുടര്‍ന്ന് യുവാവിന് ശ്വാസംമുട്ട് അനുഭവപ്പെട്ടതായും രക്തസമ്മര്‍ദ്ദം ക്രമാതീതമായി താഴ്ന്നതായും ജേര്‍ണല്‍ ഓഫ് എമര്‍ജന്‍സി മെഡിസിനിലെ റിപ്പോര്‍ട്ടില്‍ പറയുന്നു.

ഐസ് ക്യൂബ് ടെസ്റ്റ് നടത്തിയാണ് കടുത്ത അലര്‍ജി മൂലം ഉണ്ടാകുന്ന രോഗമായ അനാഫൈലക്‌സിസ് ആണ് യുവാവിന് ബാധിച്ചത് എന്ന് കണ്ടെത്തിയത്. ശരീരത്തില്‍ പ്രത്യക്ഷപ്പെടുന്ന ചുവന്ന തടിപ്പുകള്‍ പരിശോധിച്ചാണ് ഇത് സ്ഥിരീകരിക്കുന്നത്.