മെല്‍ബണ്‍: കെട്ടിടത്തിന്റെ ഏഴാം നിലയില്‍ നിന്ന് വീണ 21കാരി അത്ഭുതകരമായി രക്ഷപ്പെട്ടു. ഓസ്‌ട്രേലിയയിലെ മെല്‍ബണ്‍ സ്വദേശിനി ടോമിനി റെയ്ഡ് ആണ് രക്ഷപ്പെട്ടത്. ആശുപത്രിയില്‍ കഴിയുന്ന റെയ്ഡിന് നിരവധി ശസ്ത്രക്രിയകള്‍ നടത്തി. ഏഴാം നിലയില്‍ നിന്ന് വീണിട്ടും പെണ്‍കുട്ടി രക്ഷപ്പെട്ടത് അത്ഭുതമാണ് എന്നാണ് ഡോക്ടര്‍മാര്‍ പറയുന്നത്. 

ജൂണ്‍ 29നാണ് അപകടം നടന്നത്. പെണ്‍കുട്ടി ഏഴാം നിലയില്‍ നിന്ന് വീണെന്ന് പിതാവിന് ഫോണ്‍ സന്ദേശം ലഭിക്കുകയായിരുന്നു. 21 അടി ഉയരത്തില്‍ നിന്നാണ് റെയ്ഡ് വീണത്. എങ്ങനെയാണ് റെയ്ഡ് വീണത് എന്നത് സംബന്ധിച്ച് സ്ഥിരീകരണം ലഭിച്ചിട്ടില്ല. പൊലീസ് അന്വേഷണം തുടരുകയാണ്. 

പെണ്‍കുട്ടി പൂര്‍ണമായി ജീവിതത്തിലേക്ക് തിരികെ വരാന്‍ ഒരുപാട് സമയമെടുക്കും എന്നാണ് ഡോക്ടര്‍മാര്‍ പറയുന്നത്. ചികിത്സാ ധനസമാഹരണത്തിനായി ബന്ധുക്കള്‍ ക്യാമ്പയിന്‍ ആരംഭിച്ചിട്ടുണ്ട്.

ഈ വാര്‍ത്ത കൂടി വായിക്കൂ 110-ാം വയസിൽ ഊന്നുവടിയും പിടിച്ച് നൗദ സ്‌കൂൾമുറ്റത്തേക്ക്; അക്ഷരങ്ങളും ഖുറാനും പഠിച്ച് തുടക്കം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ