റിയാദ്: സൗദി അറേബ്യയില്‍ വീട്ടിലെ ടോയ്‌ലെറ്റില്‍ വച്ച് പാമ്പു കടിയേറ്റ ആറുവയസുകാരി മരിച്ചു. പാമ്പു കടിയേറ്റതിന് പിന്നാലെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ആരോഗ്യനില വഷളാവുകയായിരുന്നു.

അസിര്‍ പ്രവിശ്യയിലാണ് സംഭവം. വീട്ടില്‍ ഇഴഞ്ഞുകയറിയ പാമ്പാണ് കുട്ടിയെ കടിച്ചത്. ടോയ്‌ലെറ്റില്‍ വച്ചാണ് കുട്ടിക്ക് പാമ്പു കടിയേറ്റത്. ഉടന്‍ തന്നെ അസിര്‍ സെന്‍ട്രല്‍ ആശുപത്രിയില്‍ എത്തിച്ചു. ആരോഗ്യനില വഷളായതിനെ തുടര്‍ന്ന് ഐസിയുവിലേക്ക് മാറ്റി. ഇവിടെ വച്ചാണ് കുട്ടി മരിച്ചതെന്നാണ് റിപ്പോര്‍ട്ടുകള്‍.

നഗരത്തില്‍ താമസിക്കുമ്പോള്‍ വീട്ടില്‍ പാമ്പ്  കയറിയത് ഞെട്ടിച്ചതായി വീട്ടുകാര്‍ പറയുന്നു. പാമ്പ് ടോയ്‌ലെറ്റില്‍ കയറിയത് കുട്ടി അറിഞ്ഞിരുന്നില്ല. കടിച്ചത് അണലി ഇനത്തില്‍പ്പെട്ട പാമ്പാണ് എന്നാണ് റിപ്പോര്‍ട്ടുകള്‍.