India, Brazil and South Africa Push for Time-Bound UN Security Council Reform Talks. @DrSJaishankar
World

'യു എൻ രക്ഷാസമിതി പുനസംഘടിപ്പിക്കാൻ സമ്മേളനം വിളിക്കണം'; ട്രംപിനെതിരെ ഒന്നിക്കാൻ ഇന്ത്യയും ബ്രസീലും ദക്ഷിണാഫ്രിക്കയും

അമേരിക്കൻ പ്രസിഡന്‍റ് ഉയർത്തുന്ന താരിഫ് ഭീഷണികളെ നേരിടാൻ കൂടിയാണ് ഇന്ത്യയും ബ്രസീലും ദക്ഷിണാഫ്രിക്കയും ഒരുമിക്കുന്നത്.

Author : സമകാലിക മലയാളം ഡെസ്ക്
Edited By : Joice Daniel

ന്യൂയോർക്ക്: ഐക്യരാഷ്ട്ര സഭയുടെ രക്ഷാസമിതി പുനസംഘടിപ്പിക്കാൻ പ്രത്യേക സമ്മേളനം ചേരണമെന്ന ആവശ്യവുമായി ഇന്ത്യയും ബ്രസീലും ദക്ഷിണാഫ്രിക്കയും. പലസ്തീന് പൂർണ്ണ യു എൻ അംഗത്വം നൽകണമെന്നും മാറുന്ന കാലത്തിന് അനുസരിച്ചു സ്ഥിരം സമിതിയും രക്ഷാസമിതിയും പുനസംഘടിപ്പിക്കണമെന്നുമാണ് 3 രാജ്യങ്ങളുടെയും ആവശ്യം. ഏകപക്ഷീയ താരിഫുകൾക്കെതിരെ ഒന്നിച്ചു നിൽക്കാൻ മൂന്ന് രാജ്യങ്ങളും തീരുമാനിച്ചു. വിദേശകാര്യ മന്ത്രിമാരുടെ സംയുക്ത യോഗത്തിൽ ആണ് ഇക്കാര്യങ്ങൾ ധാരണയിലായത്.

അമേരിക്കൻ പ്രസിഡന്‍റ് ഉയർത്തുന്ന താരിഫ് ഭീഷണികളെ നേരിടാൻ കൂടിയാണ് ഇന്ത്യയും ബ്രസീലും ദക്ഷിണാഫ്രിക്കയും ഒരുമിക്കുന്നത്. അതേസമയം റഷ്യൻ എണ്ണ ഇറക്കുമതി ചെയ്യുന്ന രാജ്യങ്ങൾക്ക് അധിക തീരുവ പ്രഖ്യാപിക്കുമെന്ന ഭീഷണി അമേരിക്ക തുടരുകയാണ്. ഇന്ത്യ അടക്കമുള്ള മറ്റു രാജ്യങ്ങൾക്ക് ക്രൂഡ് ഓയിൽ നൽകാൻ തയ്യാറാണെന്നാണ് അമേരിക്കയുടെ വാദം. നേരത്തെ റഷ്യൻ എണ്ണ വാങ്ങുന്നതിൽ അധിക താരിഫ് ഏർപ്പെടുത്താനുള്ള അമേരിക്കൻ നീക്കത്തിൽ ഇന്ത്യ അതൃപ്തി അറിയിച്ചിരുന്നു.

ന്യൂയോർക്കിൽ നടന്ന 81-ാമത് യുഎൻ പൊതുസഭാ സമ്മേളനത്തോടനുബന്ധിച്ച് ചേർന്ന ഐ ബി എസ് എ ത്രിരാഷ്ട്ര മന്ത്രിതല കമ്മിഷൻ യോഗത്തിലാണ് 3 രാജ്യങ്ങളും നിലപാട് വ്യക്തമാക്കിയത്. ഇന്ത്യയുടെ വിദേശകാര്യ മന്ത്രി എസ്. ജയശങ്കർ, ദക്ഷിണാഫ്രിക്കൻ വിദേശകാര്യ മന്ത്രി റൊണാൾഡ് ലാമോള, ബ്രസീൽ വിദേശകാര്യ മന്ത്രി മൗറോ വിയേര എന്നിവർ യോഗത്തിൽ പങ്കെടുത്തു.

India, Brazil and South Africa Push for Time-Bound UN Security Council Reform Talks.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മെസിയുടെ പേരില്‍ തട്ടിപ്പ്: മുന്‍മന്ത്രി അബ്ദുറഹിമാനെ പ്രതി ചേര്‍ക്കാന്‍ ഉത്തരവ്

'ജയിലില്‍നിന്ന് ജീവനോടെ തിരിച്ചെത്തിയേക്കില്ല'; ഹൃദയാഘാതത്തിനും സ്‌ട്രോക്കിനും സാധ്യതയെന്ന് ഇമ്രാന്‍ ഖാന്‍

വെള്ളായണിയില്‍ പറമ്പില്‍ കുഴിച്ചിട്ട നിലയില്‍; ചാല സ്വര്‍ണക്കവര്‍ച്ചയില്‍ കൂടുതല്‍ സ്വര്‍ണം കണ്ടെത്തി

രാജീവും സോണിയയും ആദ്യമായി കണ്ടുമുട്ടിയ റെസ്റ്റോറന്റില്‍ കാമുകിക്കൊപ്പം രാഹുല്‍ ഗാന്ധി; 'പക്ഷേ, ആ ഭക്ഷണം നിരാശപ്പെടുത്തി'

'ഏജന്റ് 007'ന് ഇനി പുതിയ മുഖം; റോബർ‌ട്ട് പാറ്റിൻസൺ പുതിയ ജെയിംസ് ബോണ്ട്