റോം: യുഎസ് സ്റ്റാർട്ട്‌പ്പ് ഓപ്പൺ എഐ ചാറ്റ്‌ബോട്ട് ചാറ്റ് ജിപിടിയെ നിരോധിച്ച് ഇറ്റലി. സ്വകാര്യത സംരക്ഷിക്കുന്നതിന്റെ ഭാ​ഗമായാണ് നടപടിയെന്നാണ് റിപ്പോർട്ട്. നിരോധനം ഉടൻ നിലവിൽ കൊണ്ടുവരുമെന്ന് ഇറ്റാലിയൻ ഡാറ്റാ പ്രൊട്ടക്ഷൻ അതോറിറ്റി അറിയിച്ചു. എന്നാൽ സ്വകാര്യ നിയമങ്ങൾ പാലിക്കുന്നുണ്ടെന്നാണ് ഇറ്റലിയിലെ ചാറ്റ് ജിപിടി നിരോധനത്തെ കുറിച്ച് ഓപ്പൺ എഐ പ്രതികരിച്ചത്.

ഇത് ആദ്യമായാണ് ഒരു പാശ്ചാത്യ രാജ്യം ഇത്തരത്തിൽ ഒരു നീക്കം നടത്തുന്നത്. ചാറ്റ് ജിപിടിയുമായി ബന്ധ‍പ്പെട്ടുള്ള സംശങ്ങളിൽ ഉത്തരം നൽകാൻ ഇറ്റാലിയൻ ഡാറ്റാ പ്രൊട്ടക്ഷൻ അതോറിറ്റി ഓപ്പൺ എഐക്ക് 20 ദിവസത്തെ സമയം അനുവദിച്ചിട്ടുണ്ട്. സമാനമായി അയർലാൻഡും ചാറ്റ് ജിപിടി നിരോധിക്കാൻ ഒരുങ്ങുന്നുവെന്ന റിപ്പോർട്ടും പുറത്ത് വരുന്നുണ്ട്. 

ഓപ്പൺ എഐ കഴിഞ്ഞ നവംബറിലാണ് ചാറ്റ് ജിപിടി 3.5 എന്ന എഐ ചാറ്റ്ബോട്ട് അവതരിപ്പിച്ചത്. വളരെ കുറച്ച് കാലം കൊണ്ട് ചാറ്റ് ജിപിടി സൈബർ ലോകത്ത് തരം​ഗമായി മാറിയിരുന്നു. ചോദിക്കുന്ന ഓരോ ചോദ്യങ്ങൾക്കും മനുഷ്യർ പ്രതികരിക്കും പോലെ മറുപടി നൽകുന്ന എഐ ടൂളാണ് ചാറ്റ് ജിപിടി. കഴിഞ്ഞ മാസം ചാറ്റ് ജിപിടി 3.5നെ പരിഷ്കരിച്ച് ജിപിടി 4 കഴിഞ്ഞ ആഴ്ച അവതരിപ്പിച്ചിരുന്നു. 3.5നെക്കാൾ സുരക്ഷിതവും കൂടുതൽ കൃത്യതയുമാണ് പുതിയ പതിപ്പെന്നാണ് ഓപ്പൺ എഐയുടെ വാദം. 

ഈ വാര്‍ത്ത കൂടി വായിക്കൂ

അമേരിക്കയിൽ നാശംവിതച്ച് ചുഴലിക്കാറ്റ്; മരണം 21 ആയി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ