കു​വൈ​ത്ത് സിറ്റി : വി​മാ​നം വൈ​കി​യ​തി​നെ​ത്തു​ട​ർ​ന്ന് യാ​ത്ര​ക്കാ​ര​ന് ഉണ്ടായ ബുദ്ധിമുട്ടിൽ എ​യ​ർ​ലൈ​ൻ കമ്പനി 470 ദിനാർ ( 1,32,941.50 രൂപ ) ​നഷ്ട​പ​രി​ഹാ​രം ന​ൽ​ക​ണ​മെ​ന്ന് കു​വൈ​ത്ത് കോ​ട​തി ഉത്തരവിട്ടു. യാ​ത്ര​ക്കാ​ര​ൻ ന​ൽ​കി​യ പ​രാ​തി​യി​ലാ​ണ് കോ​ർ​ട്ട് ഓ​ഫ് ഫ​സ്റ്റ് ഇ​ൻ​സ്റ്റ​ൻ​സ് (കോമേ​ഴ്സ്യ​ൽ ഡി​വി​ഷ​ൻ) വിധി പറഞ്ഞത്.

കൈറോ(Cairo) ​യി​ൽ ​നി​ന്ന് കു​വൈത്തിലേ​ക്കു​ള്ള വി​മാ​നം വൈ​കി​യ​തി​​​നെ​ത്തു​ട​ർ​ന്ന് അ​ഭി​ഭാ​ഷ​ക​നാ​യ മു​ഹ​മ്മ​ദ് സ​ഫ​റാ​ണ് വി​മാ​ന​ക്ക​മ്പ​നി​ക്കെ​തി​രെ പ​രാ​തിയുമായി കോടതിയെ സമീപിച്ചത്. 2024 ജൂ​ൺ 30ന് ​രാ​ത്രി 8.05ന് ​പു​റ​പ്പെ​ട്ട് രാ​ത്രി 11.05ന് ​എ​ത്തേ​ണ്ട​താ​യി​രു​ന്നു കൈറോയി​ൽ​നി​ന്നുള്ള വി​മാ​നം. എ​ന്നാ​ൽ വി​മാ​നം അ​ഞ്ച് മ​ണി​ക്കൂ​റി​ല​ധി​കം വൈ​കി ജൂ​ലൈ ഒ​ന്നി​ന് പു​ല​ർ​ച്ചെ 1.45നാ​ണ് യാത്ര പു​റ​പ്പെ​ട്ട​ത്

ആത്മഹത്യക്ക് ശ്രമം; പ്രവാസിയെ നാട്ടിലേക്ക് മടക്കി അയക്കാൻ കുവൈത്ത്

യാത്ര വൈ​കു​മെ​ന്ന കാ​ര്യം തന്നെ മു​ൻ​കൂ​ട്ടി അ​റി​യി​ച്ചി​രു​ന്നി​ല്ല എന്നും വി​മാ​നം വൈ​കി​യ​തോ​ടെ പ്ര​ധാ​ന​പ്പെ​ട്ട ക്ല​യ​ന്റ് അ​പ്പോ​യി​ന്റ്മെ​ന്റു​ക​ൾ റ​ദ്ദാ​യതായും മു​ഹ​മ്മ​ദ് സഫാർ കോടതിയിൽ വാദിച്ചു . ഇതിലൂടെ ത​നി​ക്ക് നേ​രി​ട്ട ന​ഷ്ട​ങ്ങ​ൾ​ക്ക് 5,001 കു​വൈ​ത്ത് ദി​നാ​ർ വേ​ണ​മെന്ന് ആയിരുന്നു പരാതിയിലെ പ്രധാന ആവശ്യം. ഇതോടെ സം​ഭ​വ​ത്തി​ന്റെ പൂ​ർ​ണ ഉ​ത്ത​ര​വാ​ദി​ത്തം വിമാനക്കമ്പനിക്ക് ആണെന്ന് കണ്ടെത്തിയ കോടതി നഷ്ടപരിഹാരമായി 470 ദീ​നാ​ർ ന​ൽ​കാ​ൻ ഉത്തരവിട്ടു.

പോക്കറ്റ് കീറാതെ ദുബൈയിൽ ആഡംബര ജീവിതം നയിക്കണോ ? ഇതാ 7 വഴികൾ