കൊച്ചുകുട്ടികളെ തട്ടിക്കൊണ്ടുപോകുന്ന കേസുകളുടെ എണ്ണം ഓരോ ദിവസം കഴിയുന്തോറും വര്‍ധിച്ച് വരികയാണ്. അതിനാല്‍ കുട്ടികള്‍ പുറത്തേയ്ക്ക് പോകുമ്പോള്‍ മാതാപിതാക്കളുടെ ആധി ഇരട്ടിക്കുകയാണ്. ഇപ്പോള്‍ വിചിത്രമായ ഒരു തട്ടിക്കൊണ്ടുപോകലിന്റെ വീഡിയോയാണ് ചര്‍ച്ചയാകുന്നത്. പക്ഷേ ഇക്കുറി തട്ടിക്കൊണ്ടുപോകാന്‍ ശ്രമിച്ചത് മനുഷ്യനല്ല, കുരങ്ങാണ് എന്ന് മാത്രം.

വീടിന് പുറത്ത് കളിച്ചു കൊണ്ടിരിക്കുന്ന പെണ്‍കുട്ടിയെ പതുങ്ങിയെത്തിയ കുരങ്ങന്‍ മുടിയില്‍ പിടിച്ച് വലിക്കുകയായിരുന്നു. പെട്ടെന്നുണ്ടായ ആക്രമണത്തില്‍ താഴെ വീണ പെണ്‍കുട്ടിയെ കുരങ്ങന്‍ വലിച്ചിഴച്ച് കൊണ്ടുപോകുന്നതും ദൃശ്യങ്ങളില്‍ കാണാം.

തെക്കുപടിഞ്ഞാറന്‍ ചൈനയില്‍ നിന്നുള്ളതാണ് ദൃശ്യങ്ങള്‍. സംഭവം സമീപത്തുണ്ടായിരുന്ന വ്യക്തി കണ്ടതിനാല്‍ വലിയ അപകടം ഒഴിവായി. അമ്മ അകത്ത് പാചകം ചെയ്യുന്നതിനിടെയായിരുന്നു കുരങ്ങന്റെ ആക്രമണമുണ്ടായത്. ആക്രമണത്തില്‍ മൂന്ന് വയസുകാരിക്ക് സാരമായി പരിക്കേറ്റിട്ടുണ്ട്. പെണ്‍കുട്ടിയെ ഉടന്‍ ആശുപത്രിയിലെത്തിക്കുകയും ആവശ്യമായ ചികിത്സ ഉറപ്പാക്കുകയും ചെയ്തതായി അമ്മ പറഞ്ഞു.

ഈ വാർത്ത വായിക്കാം

കനാലിലൂടെ നീന്തുന്ന പാമ്പ്, പാഞ്ഞെത്തി ഒറ്റയടിക്ക് അകത്താക്കി മുതല-നടുക്കുന്ന വീഡിയോ 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ