ലണ്ടന്‍: കൊറോണ വൈറസിന്റെ പുതിയ വകഭേദം ബ്രിട്ടനില്‍ കണ്ടെത്തി. ബി.1.621. എന്നാണ് ഇതിന് നല്‍കിയിരിക്കുന്ന പേര്. ജനുവരിയില്‍ കൊളംബിയയില്‍ കണ്ടെത്തിയ വൈറസിന്റെ പുതിയ വകഭേദമാണ് ഇതെന്നും റിപ്പോര്‍ട്ടുകളുണ്ട്. 

പബ്ലിക് ഹെല്‍ത്ത് ഇംഗ്ലണ്ടാണ് പുതിയ വകഭേദത്തെ തിരിച്ചറിഞ്ഞത്. ഈ വകഭേദം ബാധിച്ച 16 പുതിയ കേസുകളാണ് റിപ്പോര്‍ട്ടു ചെയ്തിരിക്കുന്നത്. 

പുതിയ വകഭേദത്തിനെതിരെ വാക്‌സിന്‍ ഫലപ്രദമാണോ എന്നത് സംബന്ധിച്ച് റിപ്പോര്‍ട്ടുകളൊന്നും വന്നിട്ടില്ല. ഗുരുതര ആരോഗ്യപ്രശ്‌നങ്ങളുണ്ടാക്കുന്നതാണോ പുതിയ വകഭേദം എന്ന കാര്യത്തിലും തെളിവുകളൊന്നും ഇതുവരെ ലഭിച്ചിട്ടില്ല. 

അതേസമയം പുതിയതായി രോഗികളായിരിക്കുന്നവരില്‍ അധികവും വിദേശ യാത്ര കഴിഞ്ഞെത്തിയവരാണ്. നിലവില്‍ ബ്രിട്ടനില്‍ സാമൂഹിക വ്യാപനം വീണ്ടും സംഭവിച്ചതായുള്ള തെളിവുകളൊന്നുമില്ലെന്നാണ് അധികൃതര്‍ പറയുന്നത്.