വാഷിങ്ടൺ: അമേരിക്കയിലെ ന്യൂമെക്‌സിക്കോയിൽ വെടിവെപ്പ്. 18കാരന്റെ വെടിയേറ്റ് മൂന്ന് പേർ കൊല്ലപ്പെട്ടു. രണ്ട് പൊലീസുകാരുൾപ്പെടെ നിരവധി പേർക്ക് പരിക്കേറ്റു. അക്രമിയെ സംഭവസ്ഥലത്തു വെച്ച് തന്നെ വെടി വെച്ചു കൊന്നതായി പൊലീസ് അറിയിച്ചു.

ന്യൂമെക്‌സിക്കോയിലെ ഫാർമിങ്ടണിൽ പ്രാദേശിക സമയം 11 മണിയോടെയായിരുന്നു ആക്രമണം. ആക്രമണത്തെ തുടർന്ന് പ്രദേശത്ത് സ്‌കൂളുകൾക്ക് മുൻകരുതൽ ലോക്ക്ഡൗൺ പ്രഖ്യാപിച്ചു. അക്രമിയുടെ പേരോ വിവരമോ പൊലീസ് പുറത്തുവിട്ടിട്ടില്ല. സംഭവത്തിൽ ന്യൂമെക്‌സിക്കൻ ഗവർണർ മിഷേൽ ലുജൻ ഗ്രിഷാം ഖേദം പ്രകടിപ്പിച്ചു.

മരിച്ചവരുടെ കുടുംബത്തിന്റെ ദുഖത്തിൽ പങ്കുചേരുന്നതായി ഗവർണർ അറിയിച്ചു. തോക്കുകൾ രാജ്യത്തെ ജീവനെടുക്കുന്നതിന്റെ മറ്റൊരു ഓർമ്മപ്പെടുത്തലാണിതെന്നും ഗവർണർ കൂട്ടിച്ചേർത്തു.

ഈ വാർത്ത കൂടി വായിക്കൂ 

നവാഗതര്‍ക്ക് സ്വാഗതം, ഭക്ഷണം ഓര്‍ഡര്‍ ചെയ്തു; ക്യാമ്പസ് വളഞ്ഞ് കമാന്‍ഡോകള്‍, 'അക്കിടി പിണഞ്ഞ്' ശ്രീലങ്കന്‍ സര്‍ക്കാര്‍

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ