വാഷിങ്‌ടൺ: യുഎസിൽ വീണ്ടും വെടിവെപ്പ്. ഷിക്കാഗോയ്ക്ക് സമീപം രണ്ട് വീടുകളിലുണ്ടായ വെടിവയ്‌പിൽ ഏഴു പേർ കൊല്ലപ്പെട്ടു. ജോലിയറ്റിലെ വെസ്റ്റ് ഏക്കേഴ്‌സ് റോഡ് 2200 ബ്ലോക്കിൽ തിങ്കളാഴ്‌ച ഉച്ചയ്‌ക്ക് പന്ത്രണ്ടു മണിയോടെ സംഭവം. 23കാരനായ റോമിയോ നാൻസ് എന്നായാളാണ് പ്രതി. വെടിവെപ്പിന് പിന്നാലെ ഇയാൾ സംഭവ സ്ഥലത്തു നിന്നും കാറിൽ രക്ഷപ്പെട്ടതായി പൊലീസ് അറിയിച്ചു. മരിച്ച ഏഴ് പേരും ഒരു കുടുംബത്തിലുള്ളവരാണ്.

അഞ്ച് പേരുടെ മൃതദേഹങ്ങൾ വീടിനുള്ളിലും രണ്ട് പേരുടെ പുറത്തുനിന്നും കണ്ടെത്തിയതായി സംഭവസ്ഥലത്തെത്തിയ പൊലീസ് പറഞ്ഞു. പ്രതി റോമിയോയും ഈ വീടുകൾക്ക് സമീപമാണ് താമസിക്കുന്നത്. മരിച്ചവരും പ്രതിയും തമ്മിൽ മുൻപരിചയമുണ്ടെന്നും പൊലീസ് വ്യക്തമാക്കി. എന്നാൽ കൊലപാതക കാരണം വ്യക്തമല്ല. 

റോമിയോ നാസിനു വേണ്ടിയുള്ള അന്വേഷണം പൊലീസ് ശക്തമാക്കിയിട്ടുണ്ട്. ചുവപ്പ് കാറിലാണ് ഇയാൾ കടന്നത്. ഇയാളുടെ പക്കൽ ആയുധങ്ങളുണ്ടെന്നും പൊലീസ് മുന്നറിയിപ്പ് നൽകി. 

ഈ വാർത്ത കൂടി വായിക്കൂ

വിദ്യ വ്യാജരേഖയുണ്ടാക്കിയത് തനിച്ച്; സര്‍ക്കാര്‍ ശമ്പളം കൈപ്പറ്റിയെന്ന് കുറ്റപത്രം 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ