പാമ്പ് എന്ന് കേള്‍ക്കുമ്പോള്‍ തന്നെ ഭയപ്പെടുന്നവരാണ് ഭൂരിഭാഗം ആളുകളും. പാമ്പിനെ നേരിട്ട് കണ്ടാലോ, പറയുകയും വേണ്ട!. ഇപ്പോള്‍ പാമ്പിനെ കൊത്തിയോടിക്കുന്ന ടര്‍ക്കി കോഴിയുടെ ദൃശ്യങ്ങളാണ് വൈറലാകുന്നത്.

ഓസ്‌ട്രേലിയയിലാണ് സംഭവം നടന്നത്. പുല്‍ത്തകിടിയിലൂടെ ഇഴഞ്ഞു നീങ്ങുന്ന പെരുമ്പാമ്പിനെ കൊത്തിയോടിക്കുന്ന ടര്‍ക്കിയുടെ ദൃശ്യമാണിത്.പാമ്പിനെ വിടാതെ പിന്തുടര്‍ന്ന് ടര്‍ക്കി അതിനെ തുരത്തുകയായിരുന്നു. കുഞ്ഞുങ്ങളുടെ അരികിലേക്ക് എത്താതിരിക്കാനാണ് ടര്‍ക്കി പാമ്പിനെ ആക്രമിച്ചത്. 

ഏകദേശം 20 മിനിറ്റോളമാണ് ടര്‍ക്കി പാമ്പിന്റെ പിന്നാലെ നടന്നത്. സമീപത്തുള്ള കുറ്റച്ചെടികള്‍ക്കിടയില്‍ ഒളിക്കുന്നത് വരെ ടര്‍ക്കി പാമ്പിനെ പിന്തുടര്‍ന്നു. കേറ്റ് കറത്തേഴ്‌സ് എന്ന യുവതിയാണ് വീടിനു സമീപത്തുനിന്നും ടര്‍ക്കിയുടെ ദൃശ്യം പകര്‍ത്തിയതും സമൂഹമാധ്യമങ്ങളിലൂടെ പങ്കുവച്ചതും.