യുഎഇയിൽ വിസിറ്റിംഗ് വിസ (UAE visiting visa ) യിൽ കഴിയുന്ന ആളുകൾക്ക് മുന്നറിയിപ്പുമായി ട്രാവൽ ഏജൻസികൾ. വിസ അവസാനിക്കുന്നതിനു മുൻപ് അത് പുതുക്കാൻ വേണ്ട നടപടിക്രമങ്ങൾ സ്വീകരിച്ചില്ലെങ്കിൽ ഭാവിയിൽ വലിയ പ്രശനങ്ങളിലേക്ക് നയിച്ചേക്കും.

ഇറാൻ - ഇസ്രായേൽ സംഘർഷത്തെ തുടർന്ന് ആണ് ഇത്തരത്തിൽ ഒരു മുന്നറിയിപ്പ് ഏജൻസികൾ നൽകുന്നത്. നിരവധി രാജ്യങ്ങൾ അവരുടെ വ്യോമാതിർത്തികൾ സംഘർഷത്തെ തുടർന്ന് അടച്ചത് കൊണ്ട് തന്നെ യുഎഇയിൽ നിന്നുള്ള വിമാന സർവീസുകളും പലതും റദ്ദാക്കിയിട്ടുണ്ട്. വരും ദിവസങ്ങളിലും സമാനമായ സ്ഥിതിയാണെങ്കിൽ കൂടുതൽ സർവീസുകൾ റദ്ദാക്കും.

ഇന്ത്യൻ വിദ്യാർത്ഥിയുടെ മരണം ; 46 ലക്ഷം രൂപ നഷ്ടപരിഹാരം നൽകണമെന്ന് ഷാർജ കോടതി

വേനലവധി കൂടി കണക്കിലെടുത്തു മിക്ക വിമാന സർവീസുകളും പൂർണമായി നേരത്തെ തന്നെ ബുക്ക് ചെയ്തിരിക്കുകയും വിമാന നിരക്കിൽ വർധന വരുകയും ചെയ്തിട്ടുണ്ട്.

ഇതോടെ വിസ കാലാവധിക്ക് മുൻപേ നാട്ടിലേക്ക് തിരിച്ചു പോകാമെന്ന് കരുതിയ ആളുകൾ വലിയ പ്രതിസന്ധിയിലായിട്ടുണ്ട്. അത് കൊണ്ട് വിസ കാലാവധി അവസാനിക്കും മുൻപേ അത് പുതുക്കുകയോ അല്ലെങ്കിൽ സമയബന്ധിതമായി നാട്ടിലേക്ക് തിരികെയെത്താനുള്ള നടപടി സ്വീകരിക്കുകയോ ചെയ്യണം എന്നാണ് ഏജൻസികൾ നൽകുന്ന നിർദ്ദേശം.

വിസ കാലാവധി കഴിഞ്ഞും രാജ്യത്ത് തങ്ങിയാൽ സന്ദർശകർക്ക് വലിയ പിഴ അടയ്ക്കേണ്ടി വരും. ഇതും മുൻകൂട്ടി കണ്ടാണ് വേണ്ട നടപടികൾ സ്വീകരിക്കാൻ എജൻസികൾ നിർദ്ദേശം നൽകുന്നത്.

പ്രവാസികൾക്കും തൊഴിലന്വേഷകർക്കും പ്രതീക്ഷ നൽകി ഗൾഫിൽ ഒറ്റ ടൂറിസ്റ്റ് വിസ വരുന്നു