ബാങ്കോക്ക്: തായ്‌ലാന്‍ഡില്‍ സൈനികന്‍ ആള്‍ക്കൂട്ടത്തിന് നേരെ നടത്തിയ വെടിവയ്പ്പില്‍ 17 പേര്‍ കൊല്ലപ്പെട്ടു. ഫേസ്ബുക്ക് ലൈവ് ഓണാക്കിയായിരുന്നു സൈനികന്‍ ആളുകള്‍ക്ക് നേരെ വെടിയുതിര്‍ത്തത്. അക്രമി പിടിയിലായിട്ടുണ്ടോ എന്ന് ഇതുവരെ സ്ഥിരീകരിച്ചിട്ടില്ല.

വടക്കു കിഴക്കന്‍ നഗരമായ നാഖോന്‍ രാച്ചസിമയിലെ വിവിധയിടങ്ങളിലായാണ് വെടിവെപ്പ് നടത്തിയത്. മെഷീന്‍ ഗണ്ണുപയോഗിച്ച് നിരപരാധികളായ ആളുകള്‍ക്ക് നേരെ നിറയൊഴിക്കുകയായിരുന്നു എന്ന് പൊലീസ് വക്താവ് ന്യൂസ് ഏജന്‍സിയായ എഎഫ്പിയോട് പറഞ്ഞു.

പട്ടാളക്കാരന്‍ വെടിവെപ്പ് നടത്തിയ പ്രദേശം പൊലീസിന്റെ സുരക്ഷ വലയത്തിലാക്കി. സെര്‍ജന്റ് മേജര്‍ ജകപത് തൊമ്മയെന്ന വ്യക്തിയാണ് വെടിയുതിര്‍ത്തതെന്ന് പൊലീസ് പറഞ്ഞു. സമൂഹമാധ്യമങ്ങളില്‍ വെടിവെപ്പിന്റെ വീഡിയോ പ്രചരിച്ചതോടെ ജനം പരിഭ്രാന്തിയിലായി. നഗരത്തിലെ പ്രമുഖ ഷോപ്പിങ് മാളില്‍ വെച്ചും സൈനികന്‍ വെടിയുതിര്‍ത്തു.