World

'കിചിയോജി' ;  ഇന്ത്യന്‍ സംസ്‌കാരത്തോട് ബഹുമാനം പ്രകടിപ്പിക്കാന്‍ നഗരത്തിന് ലക്ഷ്മിദേവിയുടെ പേര് നല്‍കി ജപ്പാന്‍

സംസ്‌കൃതത്തിന്റെയും തമിഴിന്റെയും സ്വാധീനമുള്ള അഞ്ഞൂറിലധികം വാക്കുകള്‍ ജാപ്പനീസ് ഭാഷയിലുണ്ടെന്നാണ് കണക്ക്

Author : സമകാലിക മലയാളം ഡെസ്ക്

ടോക്യോ: ജപ്പാനില്‍ എത്തി ചുറ്റിക്കറങ്ങുന്നതിനിടയില്‍ ലക്ഷ്മീദേവിയുടെ പേരിലുള്ള നഗരം കണ്ടെത്തിയാല്‍ ഞെട്ടേണ്ട. ടോക്യോയിലെ ചെറിയ പട്ടണത്തിന് തന്നെ ലക്ഷ്മിദേവിയുടെ പേര് നല്‍കിയിരിക്കുകയാണ് ജപ്പാന്‍. കിചിയോജി എന്നാണ് ജാപ്പനീസ് ഭാഷയില്‍ ലക്ഷ്മിക്കുള്ള പേര്. ലക്ഷ്മിദേവിയ്ക്കും മഹാവിഷ്ണുവിനായും സമര്‍പ്പിച്ച അമ്പലവും ഇവിടുണ്ട്. ജാപ്പനീസ് സംസ്‌കാരത്തില്‍ ഇന്ത്യയ്ക്കുള്ള സ്വാധീനം വളരെ പ്രകടമാണ് എന്നാണ് ജപ്പാന് കോണ്‍സുല്‍ ജനറലായ തകായുകി കിതാഗവ പറയുന്നത്.

സംസ്‌കൃതത്തിന്റെയും തമിഴിന്റെയും സ്വാധീനമുള്ള അഞ്ഞൂറിലധികം വാക്കുകള്‍ ജാപ്പനീസ് ഭാഷയിലുണ്ടെന്നാണ് കണക്ക്. അരിയും വിനാഗിരിയും ചേര്‍ത്ത് ഉണ്ടാക്കുന്ന ജാപ്പനീസ് സുഷിയില്‍ വരെ ഇന്ത്യന്‍ രുചിക്കൂട്ടുകള്‍ ഒളിഞ്ഞിരിപ്പുണ്ടെന്നതാണ് മറ്റൊരു കൗതുകം.

ജപ്പാനില്‍ പലയിടത്തും ഹിന്ദുമതത്തോട് ആഭിമുഖ്യം പുലര്‍ത്തുന്നവര്‍ കൂടുതലാണെന്നും ആരാധനാ രീതികളിലും ഇന്ത്യയുടെ സ്വാധീനമുണ്ടെന്നും കിതാഗവ കൂട്ടിച്ചേര്‍ത്തു. 

 ഉദയസൂര്യന്റെ നാടായ ജപ്പാനും ഇന്ത്യയും തമ്മില്‍ ഭൂമിശാസ്ത്രപരമായ ധാരാളം വ്യത്യാസങ്ങള്‍ നിലനില്‍ക്കുന്നുണ്ടെങ്കിലും മുഗള്‍ ഭരണകാലത്തും അതിന് മുമ്പും വ്യാപാര-സാംസ്‌കാരിക ബന്ധങ്ങള്‍ നിലനിര്‍ത്തിപ്പോന്നിരുന്നതിന് രേഖകളുണ്ട്. ഇത്തരം സാംസ്‌കാരിക വിനിയമങ്ങളുടെ ഭാഗമായാണ് ഹൈന്ദവ ആചാരങ്ങള്‍ ജപ്പാനില്‍ പ്രചരിച്ചതെന്നാണ് കരുതപ്പെടുന്നത്.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

വൃശ്ചികപ്പുലരിയില്‍ മലചവിട്ടാന്‍ ഭക്തരുടെ തിരക്ക്, കാനന പാത തുറന്നു, വെര്‍ച്വല്‍ ക്യു വഴി ബുക്ക് ചെയ്ത് അറുപതിനായിരം പേര്‍

കാർഷിക യന്ത്രങ്ങൾക്ക് 50 ശതമാനം വരെ സബ്സിഡി; ഓൺലൈനായി അപേക്ഷിക്കാം

ഓണ്‍ലൈന്‍ ബാങ്കിങ് സേവനങ്ങള്‍ തടസപ്പെട്ടു; പണം എടുക്കാന്‍ കഴിയുന്നില്ല, സാങ്കേതികത്തകരാറെന്ന് യുഎസ് വിശദീകരണം

പരീക്ഷ എഴുതാനാകുമോയെന്ന് ഇന്നറിയാം; വിധി കാത്ത് വിദ്യാര്‍ഥികള്‍

അച്ഛന്റെ ചിത്രത്തിന് താഴെ തിരി തെളിച്ച് തുടക്കം; ഹൈദരബാദിലെ ജോലി ഉപേക്ഷിച്ചു; ജയബാലകൃഷ്ണന്റെ തട്ടുകടയുമായി മകള്‍ ഭദ്രകീര്‍ത്തി