പാരിസ്: ഫ്രാൻസിലെ ചരിത്ര പ്രസിദ്ധമായ നാന്റസ് കത്തീഡ്രലിൽ വൻ തീപിടിത്തം. പടിഞ്ഞാറൻ ഫ്രഞ്ച് നഗരമായ നാന്റെസിലുള്ള കത്തീഡ്രലിൽ ഇന്ന് രാവിലെയാണ് തീപിടിത്തമുണ്ടായത്. തീ കെടുത്താനുള്ള ശ്രമം തുടരുകയാണ്. 

15ാം നൂറ്റാണ്ടിലെ ദേവാലയമാണ് നാന്റസ് കത്തീഡ്രൽ. പാരീസിലെ നോത്ര ദാം കത്തീഡ്രലിൽ ഉണ്ടായ വലിയ തീപിടിത്തത്തിന്‌ ഒരു വർഷത്തിന് ശേഷമാണ് വീണ്ടും മറ്റൊരു ദേവാലയത്തിൽ അഗ്നിബാധയുണ്ടായത്‌.

ഇതിന് മുമ്പ് 1972ൽ നാന്റെസ് കത്തീഡ്രലിൽ തീപിടുത്തമുണ്ടായിരുന്നു. കെട്ടിടത്തിന് മേൽക്കൂരയ്ക്ക് അന്ന് കേടുപാടുകൾ സംഭവിച്ചു. മൂന്ന് വർഷത്തോളം അടിച്ചിട്ടാണ് അറ്റകുറ്റപണി പൂർത്തിയാക്കിയത്‌.