പുതിയ വിദേശ വിനിമയ കരാറില്‍ ഏര്‍പ്പെട്ട് പാക്കിസ്ഥാനും ചൈനയും. പാക്കിസ്ഥാനിലെ കഴുത ഫാമില്‍ നിക്ഷേപം നടത്താനാണ് ചൈനയുടെ പദ്ധതി. ചൈനയില്‍ കഴുതകള്‍ക്ക് ആവശ്യകത ഏറിയതാണ് വ്യത്യസ്തമായ ഈ വിനിമയ കരാറിന് തുടക്കമിടാന്‍ കാരണം.
കഴുതകളെ വ്യാപകമായി കയറ്റുമതി ചെയ്യുന്നതിന്റെ ഭാഗമായി ലൈഫ്‌സ്റ്റോക് വിഭാഗമായ ഖൈബര്‍ പഖ്തുന്‍ഖ്വാ കഴുതഫാം തുടങ്ങാന്‍ തീരുമാനിച്ചതായി റിപ്പോര്‍ട്ടുകള്‍ പുറത്തുവന്നു. കഴുത ഫാമിനായി മൂന്ന് ബില്ല്യണ്‍ ഡോളറോളം നിക്ഷേപിക്കാന്‍ ചൈനീസ് കമ്പനികള്‍ തയ്യാറായെന്നാണ് റിപ്പോര്‍ട്ടുകള്‍. ഇതുസംബന്ധിച്ച് ചൈനീസ് പ്രതിനിധികളുമായി രേഖകള്‍ ഒപ്പിടുമെന്ന് ഖൈബര്‍ ഉദ്യോഗസ്ഥര്‍ പറഞ്ഞു.
ആദ്യ മൂന്ന് വര്‍ഷത്തിനുള്ളില്‍ എണ്‍പതിനായിരത്തോളം കഴുതകളെ കയറ്റുമതി ചെയ്യും. മരുന്നുകള്‍ക്കായും ഗൃഹോപകരണങ്ങളുടെ നിര്‍മാണത്തിനായും ചൈനയില്‍ കഴിതകകള്‍ക്ക് വലിയ ആവശ്യക്കാരാണുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates